କେନ୍ଦୁଝର: ଜିଲ୍ଲା ସଦର ଥାନା ଅନ୍ତର୍ଗତ ବାସୁଦେବପୁର ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଗ୍ରାମର କାହ୍ନୁ ଚରଣ ମୁଣ୍ଡାଙ୍କର ଝିଅ ବର୍ଷା ମୁଣ୍ଡା ଭୋରୁ ଘରୁ ବାହାରକୁ ଶୌଚ ପାଇଁ ବାହାରକୁ ଯାଇଥିଲା । ଅନେକ ସମୟ ପରେ ମଧ୍ୟ ଘରକୁ ନ ଆସିବାରୁ ଘର ଲୋକେ ଚାରି ଆଡ଼େ ଖୋଜାଖୋଜି କରିବା ସହ ଝିଅର ସାଙ୍ଗମାନଙ୍କୁ ଯୋଗାଯୋଗ କରିଥିଲେ ।
ପରିତ୍ୟକ୍ତ ପୋଖରୀରେ ବୁଡି ନାବାଳିକା ମୃତ
ବହୁ ଖୋଜାଖୋଜି କଲା ପରେ ମଧ୍ୟ କୌଣସି ପ୍ରକାର ଖବର ପାଇ ପାରି ନଥିଲେ । ଶେଷରେ ନିରାଶ ହୋଇ ଅଗ୍ନିଶମ ବିଭାଗକୁ ଖବର ଦେଇଥିଲେ ପରିବାର । ଅଗ୍ନିଶମ ବିଭାଗ ପକ୍ଷରୁ ଗାଁ ନିକଟରେ ଥିବା ପରିତ୍ୟକ୍ତ ପୋଖରୀରେ ଗୁରୁବାର ଖୋଜିଲା ପରେ ନାବାଳିକାର ମୃତଦେହ ଉଦ୍ଧାର କରାଯାଇଛି ।
ମୃତ ଦେହକୁ ବ୍ୟବଚ୍ଛେଦ ପାଇଁ ମୁଖ୍ୟ ଚିକିତ୍ସାଳୟକୁ ପଠାଯାଇଥିବାବେଳେ ପୋଲିସ ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
