କେନ୍ଦୁଝର: ମାସ୍କ ଓ ଖାଦ୍ୟ ବଣ୍ଟନ ସହ ସଚେତନତାର ବାର୍ତ୍ତାଦେଲେ ଯୁବ ଛାତ୍ର ଜନତା ଦଳ । ରାଜ୍ୟ ସରକାରଙ୍କ ଓଡ଼ିଶା ମୋ ପରିବାର ଆନୁକୂଲ୍ୟରେ ବିଜୁ ଛାତ୍ର ଜନତା ଦଳ କେନ୍ଦୁଝର ତରଫରୁ ଜିଲ୍ଲାର ଝୁମ୍ପୁରା ଠାରେ କୋରୋନା ସଚେତନତା ସହ ମାସ୍କ ଓ ଖାଦ୍ୟ ବଣ୍ଟନ କରାଯାଇଛି । ଛାତ୍ର ଜନତା ଦଳର କର୍ମୀମାନେ ଗରିବ ଲୋକ, ଅନାଥ ଶିଶୁ ଏବଂ କିଛି ବେସାହାରା ବିଧବା ମହିଳାଙ୍କୁ ମଧ୍ୟ ଶୁଖିଲାଖାଦ୍ୟ ବାଣ୍ଟିଥିଲେ । ଏହା ସହ ସ୍ଥାନୀୟ ବଜାରରେ ସାମାଜିକ ଦୂରତ୍ବ ନେଇ ସଚେତନତା କରିବା ସହ ଭିଡ଼ ଥିବା ସ୍ଥାନରେ ସାଧାରଣ ଲୋକଙ୍କୁ ସଜାଗ କରାଇଥିଲେ କର୍ମୀମାନେ ।
ମାସ୍କ ଓ ଖାଦ୍ୟ ବଣ୍ଟନ ସହ ସଚେତନତା କଲେ ବିଜୁ ଛାତ୍ର ଜନତା ଦଳ
ଜିଲ୍ଲା ଛାତ୍ର ଜନତା ଦଳ ସଭାପତି ଅବିନାଶ ପଟ୍ଟନାୟକଙ୍କ ନେତୃତ୍ବରେ ଅନ୍ତର୍ଯ୍ୟାମୀ ପ୍ରଧାନଙ୍କ ସହଯୋଗରେ ଶତାଧିକ ଛାତ୍ର ଜନତା ଦଳର କର୍ମୀମାନେ ଏଥିରେ ସାମିଲ ହୋଇଥିଲେ । ତେବେ ଆଗାମୀ ଦିନରେ ଏଭଳି ସଚେତନତା ମୂଳକ କାର୍ଯ୍ୟକ୍ରମ ଜାରି ରହିବ ବୋଲି ଛାତ୍ର ଜନତା ଦଳ ପକ୍ଷରୁ କୁହାଯାଇଛି।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
