କେନ୍ଦୁଝର: ବଡ଼ବିଲ ରେଞ୍ଜ କାରୋ ସଂରକ୍ଷିତ ଜଙ୍ଗଲର ଝାଡ଼ଖଣ୍ଡ ସୀମାନ୍ତକୁ ଲାଗି ରହିଥିବା କିରିବୁରୁ ଜଙ୍ଗଲରୁ ଏକ ଶିକାରୀକୁ ଧରିଛି ବନ ବିଭାଗ । ବନ୍ୟଜନ୍ତୁ ଶିକାର ପାଇଁ ତାର ବିଛାଉଥିବା ବେଳେ ତାକୁ ଗିରଫ କରିବାରେ ସଫଳ ହୋଇଛି ବନ ବିଭାଗର ଏକ ଟିମ ।
ସଂରକ୍ଷିତ ଜଙ୍ଗଲରୁ ଧନୁତୀର ସହ ଶିକାରୀ ଗରଫ
ଗିରଫ ଶିକାରୀ ଜଣକ ଝାଡ଼ଖଣ୍ଡର ଭନଗାଁ ଅଂଚଳର ଚରଣ ନାଏକ ବୋଲି ଜଣା ପଡିଛି । ଗିରଫ ପରେ ତା ନିକଟରୁ ଗୋଟିଏ ଧନୁ, ୮ ଟି ତୀର, କଟୁରୀ, ବାଟୁଳୀ ସମେତ ଜାଲ ପାଇଁ ବିଛାଯାଇଥିବା ଲୁହା ତାର ଆଦି ଶିକାରରେ ବ୍ୟବହୃତ ସାମଗ୍ରୀ ଜବତ କରାଯାଇଛି । ପୋଲିସ ଏହି ଘଟଣାରେ ଏକ ମାମଲା ରୁଜ୍ଜୁ କରି ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
