ଆନନ୍ଦପୁର: ପୂର୍ବ ଶତ୍ରତାରୁ ଘରେ ନିଆଁ ଲଗାଇ ଦେଲେ ଦୁଦୃର୍ତ୍ତ । ୪ ବଖରା ଘର ପୋଡିଯିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି । ଅନ୍ୟପକ୍ଷେ ୩ ଜଣକୁ ଅଟକ ରଖି ପୋଲିସ ତଦନ୍ତ ଜାରି ରଖିଛି ।
ଘରେ ନିଆଁ ଲଗାଇଦେଲେ ଦୁବୃର୍ତ୍ତ, ଲକ୍ଷାଧିକ ସମ୍ପତ୍ତି ପୋଡି ପାଉଁଶ
ଏପରି ଅଭାବନୀୟ ଘଟଣା ଘଟିଛି ଘସିପୁରା ଥାନା କୁଣ୍ଡାକୋଟ ଗ୍ରାମରେ । ଗ୍ରାମର ପ୍ରଶାନ୍ତ ଖିଲାରଙ୍କ ଘରେ ଦୁବୃର୍ତ୍ତ ମାନେ ନିଆଁ ଲଗାଇ ଦେବାରୁ ଲକ୍ଷାଧିକ ସମ୍ପତ୍ତି ପୋଡି ପାଉଁଶ ହୋଇଯାଇଛି ।
ପ୍ରକାଶଥାଉକି, ଦୁଇ ଦିନ ତଳେ ଗ୍ରାମର କେତେଜଣ ଯୁବକ ମଦ୍ୟପାନ କରି ଗାଁ ରେ ଗଣ୍ଡଗୋଳ କରୁଥିବାରୁ ପ୍ରଶାନ୍ତ ସେହି ଯୁବକ ନାମରେ ଥାନାରେ ଏତଲା ଦେଇଥିଲେ । ପୋଲିସ କିଛି ପଦକ୍ଷେପ ନେଇ ନ ଥିବାରୁ ଆଜି(ସୋମବାର) ଏଭଳି ଘଟଣା ସେମାନେ ଘଟାଇଥିବା କହିଛନ୍ତି ପ୍ରଶାନ୍ତ ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
