ଆନନ୍ଦପୁର: ହାଟଡିହି ବ୍ଲକ ବାଙ୍ଗୋର ପଞ୍ଚାୟତରେ ଥିବା ଗୋଚର ଜମି ପାଇଁ ସରପଞ୍ଚଙ୍କ ସମର୍ଥନରେ ବାହାରିଲେ ପଞ୍ଚାୟତବାସୀ । ଗୋଚର ଜମିକୁ ସମତୁଲ କରିବା ପାଇଁ ଆଦାୟ କରି ଦେଲେ 8 ଲକ୍ଷ 42 ହଜାର 700 ଟଙ୍କା । ଏହାସହ ପ୍ରଶାସନ ଏଦିଗରେ ସାହାଯ୍ୟ କରିବା ପାଇଁ କଲେ ଅନୁରୋଧ ।
ସୂଚନା ଅନୁଯାୟୀ, ଗୋଚର ଜମିଟି ଦୀର୍ଘ ଦିନ ହେବ ଓଏମସି କବଜାରେ ଥିବା ସହ ଏଥିରେ ବର୍ଜ୍ୟବସ୍ତୁ ପକାଯାଉଥିଲା । ସ୍ଥାନୀୟ ସରପଞ୍ଚ ଏବାବଦରେ ଜାଣିବା ପରେ ସେ ସ୍ଥାନକୁ ସମତୁଲ କରିବା ପାଇଁ ଆଗଭର ହୋଇଥିଲେ । ସେ ସ୍ଥାନ ନିକଟରେ 3 ଟି ବିଦ୍ୟାଳୟ ଥିବାବେଳେ ଖେଳ ପଡିଆ ନଥିବାରୁ ଏହାକୁ ସେ ସମତୁଲ କରିଥିଲେ । ସେପଟେ ଏଠାରୁ ସମତୁଲ ନାଁରେ ମୋରମ ଚାଲାଣ ହେଉଥିବା ଦର୍ଶାଇ ଖବର ପାଇଁ ଆରଆଇ ଓ ତହସିଲଦାର ପହଞ୍ଚି କାମକୁ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ।
ଏହାପରେ ସ୍ଥାନୀୟ ଲୋକ ସରପଞ୍ଚଙ୍କ ସମର୍ଥନରେ ବାହାରିବା ସହ ତାଙ୍କୁ ଏ କାମ ପାଇଁ ପ୍ରଶଂସା କରିଛନ୍ତି । ସେହିପରି ଏ କାମକୁ କରିବା ପାଇଁ ମିଳିମିଶି ପଇସା ଯୋଗାଡ କରି ଦେଇଛନ୍ତି । ସେପଟେ ଏବାବଦରେ କ୍ୟାମେରା ସାମ୍ନାରେ ପ୍ରତିକ୍ରିୟା ରଖିନଥିଲେ ମଧ୍ୟ ଆଇନ ଅନୁସାରେ ଲୋକଙ୍କୁ ସହଯୋଗ କରିବେ ବୋଲି କହିଛନ୍ତି ତହସିଲଦାର ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
