କେନ୍ଦୁଝର: ଗୋପବନ୍ଧୁ ଜ୍ୟୋତି ଯାତ୍ରାକୁ ଭବ୍ୟ ସ୍ବାଗତ କଲା କେନ୍ଦୁଝର । ଉତ୍କଳମଣି ଗୋପବନ୍ଧୁଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ଏକ ପ୍ରତିଷ୍ଠିତ ଖବର କାଗଜ ପକ୍ଷରୁ ଶତବାର୍ଷିକୀ ପାଳନ କରାଯାଉଛି । ଏହି ଅବସରରେ ପ୍ରତିଷ୍ଠିତ ଖବର କାଗଜ ପକ୍ଷରୁ ବିଭିନ୍ନ ସ୍ଥାନରେ କାର୍ଯ୍ୟକ୍ରମ ଅନୁଷ୍ଠିତ ହେଉଛି ।
ଉତ୍କଳମଣିଙ୍କୁ ମନେ ପକାଇବା ପାଇଁ ଏହି ଖବର କାଗଜ ପକ୍ଷରୁ ସବୁବର୍ଷ ପରି ଗୋପବନ୍ଧୁ ଜ୍ୟୋତି ଯାତ୍ରା ଆୟୋଜନ କରାଯାଉଛି । ଚଳିତ ବର୍ଷ ଗୋପବନ୍ଧୁ ଦାସଙ୍କ ୧୪୨ ତମ ଜନ୍ମଜୟନ୍ତୀ ଅବସରରେ ଏହି ଜ୍ୟୋତି କେନ୍ଦୁଝର ଜିଲ୍ଲାରେ ଆସି ପହଞ୍ଚିଛି । ଆଜି ସକାଳୁ ସ୍ଥାନୀୟ ସର୍କିଟ ହାଉସରୁ ଏକ ବିଶାଳ ଶୋଭାଯାତ୍ରାରେ ଗୋପବନ୍ଧୁ ଜ୍ୟୋତି ସହର ପରିକ୍ରମା କରି ନଗର ଭବନ ପହଞ୍ଚିଥିଲା ।
ଏହି ଶୋଭାଯାତ୍ରାରେ ବିଭିନ୍ନ ବିଦ୍ୟାଳୟ, କଲେଜର ଛାତ୍ରଛାତ୍ରୀ ବେସରକାରୀ ଅନୁଷ୍ଠାନର କର୍ମକର୍ତ୍ତା ସାମିଲ ହୋଇଛନ୍ତି । ଏହାପରେ ନଗର ଭବନ ଠାରେ କୃଷି କ୍ଷେତ୍ରରେ ଉଲ୍ଲେଖନୀୟ ଅବଦାନ କରିଥିବା ବିଭିନ୍ନ ବ୍ଲକର କୃଷକଙ୍କୁ ସମ୍ବର୍ଦ୍ଧିତ କରାଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
