କେନ୍ଦୁଝର: ଜିଲ୍ଲାର ଘଟଗାଁ ପୋଲିସକୁ ବଡ ସଫଳତା । କୁଖ୍ୟାତ ଅପରାଧୀ ରଇବୁ ମହାନ୍ତ ଗିରଫ । ରଇବୁକୁ ପୋଲିସ ତା ନିଜ ଗ୍ରାମ ଚିନାମାଳିପଷିରୁ ଗିରଫ କରିଥିବାର ଜଣାପଡିଛି । ରଇବୁ ନାମରେ ଘଟଗାଁ ଓ ପାଟଣା ଥାନାର ବିଭିନ୍ନ ଅପରାଧିକ ମାମଲା ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ପୂର୍ବରୁ ରଇବୁକୁ ଗିରଫ କରିବା ପାଇଁ ଅନେକଥର ପ୍ରୟାସ କରିଥିଲା ପୋଲିସ । କିନ୍ତୁ ପ୍ରତିଥର ପୋଲିସ ଆଖିରେ ଧୂଳିଦେଇ ସେ ଖସିଯାଉଥିଲା । ରବିବାର ରାତିରେ କୌଣସି ସୂତ୍ରରୁ ଖବର ପାଇ ଜିଲ୍ଲା ପୋଲିସର ଏକ ସ୍ବତନ୍ତ୍ର ଟିମ ଚଢାଉ କରି ରଇବୁ ଗିରଫ କରିବାରେ ସଫଳ ହୋଇଛି । ସୋମବାର ରଇବୁଙ୍କୁ ଡାକ୍ତରୀ ପରିକ୍ଷା ପରେ କୋର୍ଟ ଚାଲାଣ କରାଯିବ ବୋଲି ପୋଲିସ ସୂଚନା ଦେଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
