କେନ୍ଦୁଝର: କମ୍ପ୍ୟୁଟର ଶିକ୍ଷକ ନିଯୁକ୍ତି ଦେବା ନାଁରେ ଲକ୍ଷାଧିକ ଟଙ୍କା ଠକେଇ ହୋଇଛି । ଏନେଇ ଟାଉନ ଥାନାରେ ମାମଲା ରୁଜୁ । କେନ୍ଦୁଝର ସହରରେ ଓଡିଶା ଏଜୁକେସନ ଏଣ୍ଡ ଟ୍ରେନିଂ ନାଁରେ ଏକ ସଂସ୍ଥାଖୋଲି ଶତାଧିକ ବେକାର ଯୁବକ ଯୁବତୀଙ୍କ ଠାରୁ ଠକେଇ ଅଭିଯୋଗ ହୋଇଛି ।
ଏହି ସଂସ୍ଥା ଏହି ଯୁବକ ଯୁବତୀଙ୍କ ଠାରୁ ଚାଳିଶ ହଜାର ଟଙ୍କା ଲେଖାଏଁ ଟ୍ରେନିଂ ଓ ଚାକିରୀ ପାଇଁ ନେଇଥିଲା। କିନ୍ତୁ ପରେ ମାତ୍ର ଅଳ୍ପ ଦିନ ଟ୍ରେନିଂ ଦେଇ ଛାଡି ଦେଇଥିଲେ । ବାକି ଟଙ୍କା ଦେବା ପାଇଁ ମାଗିବାରୁ ଟଙ୍କା ଦେଇ ହେବ ନାହିଁ ବୋଲି ସଂସ୍ଥାର ଅଧ୍ୟକ୍ଷ ମନା କରିଦେଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା,କେନ୍ଦୁଝର
ସମସ୍ତ ଠକେଇର ଶିକାର ହୋଇଥିବା ଶିକ୍ଷାର୍ଥୀମାନେ ଗତ ୧୦ ତାରିଖରୁ ଥାନାରେ ଅଭିଯୋଗ କରିଥିଲେ ମଧ୍ୟ କିଛି ଫଳ ମିଳି ନଥିଲା । ଫଳରେ ଶତାଧିକ ମହିଳା ଥାନା ଘେରାଉ କରିବା ପରେ ଥାନାରେ ସଂସ୍ଥାର ତିନି ଜଣ କର୍ମଚାରୀଙ୍କୁ ଅଟକ ରଖି ପଚରାଉଚୁରା ଜାରି ଥିବା ପୋଲିସ ପ୍ରକାଶ କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
