କେନ୍ଦୁଝର: ହରିଣକୁ ମାରିବା ଅଭିଯୋଗରେ ପାଞ୍ଚ ଗିରଫ । କେନ୍ଦୁଝର ସଦର ବନାଞ୍ଚଳ ଅନ୍ତର୍ଗତ ଓସ୍ତପଙ୍ଗା ନିକଟସ୍ଥ ଗୋଳିଆ ନାଳ ସାହି ନିକଟରେ ଏକ ହରିଣକୁ ଶିକାର କରାଯାଇଛି । ହରିଣ ଶିକାର କରିବା ଅଭିଯୋଗରେ ପାଞ୍ଚ ଜଣକୁ ଗିରଫ କରିଛି ବନ ବିଭାଗ ।
ହରିଣ ଶିକାର ଅଭିଯୋଗରେ ପାଞ୍ଚ ଗିରଫ
ସୂଚନାନୁସାରେ,ଗତକାଲି ଅପରାହ୍ନରେ ଶିକାର ଲକ୍ଷରେ ଗାଁର କିଛି ଲୋକେ ଜଙ୍ଗଲକୁ ଯାଇଥିଲେ । ଜଙ୍ଗଲରେ ନିଆଁ ଲଗାଇବା ଦ୍ୱାରା ହରିଣଟି ଜଙ୍ଗଲ ବାହାରକୁ ପଳାଇ ଆସିଥିଲା । ପରେ ହରିଣକୁ ପାଇବା ପରେ ଲୋକମାନେ ଶିକାରୀ କୁକୁର ସାହାଯ୍ୟରେ ସାମ୍ନା ପଟୁ ହରିଣ ଉପରକୁ ଆକ୍ରମଣ କରି ହତ୍ୟା କରିଥିଲେ ।
ଏହା ପରେ ହରିଣର ମୃତଦେହକୁ ଘରକୁ ଆଣିଥିଲେ । ଏ ନେଇ ବନ ବିଭାଗ ବିଶେଷ ସୂତ୍ରରୁ ଖବର ପାଇ ସେମାନଙ୍କ ଘରେ ରେଡ଼ କରିଥିଲା । ହରିଣର ମୃତଦେହକୁ ଉଦ୍ଧାର କରିବା ସହ ଏହି ଘଟଣାରେ ସମ୍ପୃକ୍ତ ପାଞ୍ଚଜଣଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି ବନବିଭାଗ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିିଭି ଭାରତ
