ଆନନ୍ଦପରୁ: କେନ୍ଦୁଝର ଜିଲ୍ଲା ଘସିପୁରା ଥାନା ସମ୍ମୁଖ ଷ୍ଟେଟ୍ ବ୍ୟାଙ୍କ ଶାଖା ପଛ ପଟ କଲୋନୀରେ ଘଟିଛି ଏକ ଦୁଃଖଦ ଘଟଣା । ଗ୍ୟାସ ସିଲିଣ୍ଡରରୁ ନିଆଁ ଲାଗି ଶାଶୁ ବୋହୂ ମୃତ ।
ଗ୍ୟାସ ସିଲିଣ୍ଡରରୁ ନିଆଁ ଲାଗି ଶାଶୁ-ବୋହୂ ମୃତ
ସୂଚନାଅନୁସାରେ, ଶାଶୁ କାନନ ଚା କରିବାକୁ ରୋଷେଇ ଘରେ ଗ୍ୟାସ ଲଗାଇବା ସମୟରେ ହଠାତ୍ ଗ୍ୟାସରୁ ନିଆଁ ଲାଗିଯାଇଥିଲା । ନିଆଁରେ ଫସି ଯାଇଥିବା କାନନଙ୍କ ପାଟି ଶୁଣି ବୋହୂ ତାଙ୍କୁ ବଞ୍ଚାଇବାକୁ ଆସିଥିଲେ ।ଶାଶୁଙ୍କୁ ବଞ୍ଚାଇବାକୁ ଯାଇ ବୋହୂ ସୁନୀତା ମଧ୍ୟ ନିଆଁରେ ଜଳି ଯାଇଥିଲେ ।
ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଘର ଲୋକେ ପ୍ରଥମେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ। ଶରୀରର 80 ପ୍ରତିଶତ ପୋଡି ଯାଇଥିବାରୁ ସେମାନଙ୍କୁ କଟକ ସ୍ଥାନାନ୍ତରିତ କରାଯାଇଥିଲା । ବାଟରେ ବୋହୂ ସୁନୀତାଙ୍କର ମୃତ୍ୟୁ ହୋଇଥିବା ବେଳେ କଟକରେ ଚିକିତ୍ସିତ ଅବସ୍ଥାରେ ଶାଶୁ କାନନଙ୍କର ମୃତ୍ୟୁ ଘଟିଛି ।
ଆନନ୍ଦପୁରରୁ ସ୍ମୁତି ରଞ୍ଜନ ବିହାରୀ, ଇଟିଭି ଭାରତ
