କେନ୍ଦୁଝର: ବାପାର ଟାଙ୍ଗିଆ ଚୋଟରେ ପୁଅ ମୃତ । ଏଭିଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଘଟଗାଁ ଥାନା ଅନ୍ତର୍ଗତ ଗୋବରାବେଡା ଗାଁରେ ।
ସୋମବାର ବିଳମ୍ବିତ ରାତିରେ ମାଧବ ନାଏକ ଘରେ ପରିବାର ଲୋକଙ୍କ ସହ ମିଶି ଖାଉଥିଲେ । ଏହି ସମୟରେ ମାଧବଙ୍କ ପୁଅ ଭାତରେ ପାଣି ଢାଳି ଦେବାରୁ ସେ ତାକୁ ଗାଳି ଦେଇଥିଲେ । ନାତିକୁ ଗାଳି ଶୁଣି ମାଧବଙ୍କ ମା' ତାଙ୍କୁ ଆକଟ କରିବା ବେଳେ ସେ ମା'ଙ୍କୁ ଆପତ୍ତି ଜନକ ଭାଷାରେ ଗାଳିଗୁଲଜ କରିଥିଲେ ।
ବାପା ଟାଙ୍ଗିଆ ଚୋଟ ନେଲା ପୁଅର ଜୀବନ
ଏଥିରେ ଉତକ୍ଷିପ୍ତ ହୋଇ ମାଧବଙ୍କ ବାପା ଗୋପୀନାଥ ଏକ ଟାଙ୍ଗିଆରେ ମାଧବଙ୍କ ମୁଣ୍ଡକୁ ଏକ ପାହାର ଦେଇଥିଲେ । ଫଳରେ ଘଟଣାସ୍ଥଳରେ ମାଧବର ମୃତ୍ୟୁ ହୋଇଥିଲା । ଖବରପାଇ ଢେଙ୍କିକୋଟ ଫାଣ୍ଡି ଅଧିକାରୀ ଗୋପୀନାଥଙ୍କୁ ଗିରଫ କରିଛି । ଘଟଣାରେ ପୋଲିସ ମୃତଦେହକୁ ବ୍ୟବଛେଦ ପାଇଁ ପଠାଇ ତଦନ୍ତ ଜାରି ରଖିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
