ଆନନ୍ଦପୁର: ଦୁଇ ଭାଇଙ୍କ କଳିରେ ବଳି ପଡ଼ିଥିବା ନିଷ୍ପାପ ୧୦ ମାସର ଶିଶୁକନ୍ୟା ନିମକି ଦେହୁରୀର ହତ୍ୟାକାରୀ ବାପା ସନାତନ ଦେହୁରୀକୁ ଗିରଫ କରି କୋର୍ଟ ଚାଲାଣ କରିଛି ଘଷିପୁରା ପୋଲିସ । ଗତ ୧୫ ତାରିଖରେ ଆନନ୍ଦପୁର ପୌରାଞ୍ଚଳ ୧୩ ନଂ ୱାର୍ଡ ସାଉଣ୍ଡି ସାହିରେ ବାପାର ଠେଙ୍ଗାମାଡ଼ରେ ଝିଅର ମୃତ୍ୟୁ ଘଟିଥିଲା ।
10 ମାସର ଶିଶୁକନ୍ୟାର ହତ୍ୟାକାରୀ ବାପା ଗିରଫ
ସୂଚନା ଥାଉକି ସାମାନ୍ୟ ଏକ ସ୍କୁଟିକୁ ନେଇ ଦୁଇ ଭାଇଙ୍କ ମଧ୍ୟରେ ଝଗଡା ଚାଲିଥିଲା । ଅଭିଯୁକ୍ତ ସନାତନର ସ୍ତ୍ରୀ ଝୁମୁରୀ ନିଜ ଝିଅକୁ ଧରି ସେମାନଙ୍କୁ ଅଟକାଇବାକୁ ଯାଇଥିଲା । ଠିକ ଏହି ସମୟରେ ରାଗରେ ଥିବା ସନାତନ ଉତକ୍ଷିପ୍ତ ହୋଇ ଏକ ଠେଙ୍ଗାରେ ଝୁମୁରୀକୁ ମାରିବାକୁ ଗଲାବେଳେ ଠେଙ୍ଗାଟି 10 ମାସର ଶିଶୁକନ୍ୟା ମୁଣ୍ଡରେ ବାଜିଥିଲା । ଫଳରେ ଝିଅଟିର ମୃତ୍ୟୁ ଘଟିଥିଲା । ସେହିଦିନ ଠାରୁ ସନାତନ ଫେରାର ଥିବାବେଳେ ପୋଲିସ ତାକୁ ଶୁକ୍ରବାର ଗିରଫ କରିବାରେ ସଫଳ ହୋଇଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
