କେନ୍ଦୁଝର: କେନ୍ଦୁଝରରେ ପୁଣି ମାତିଲେ ହାତୀ ପଲ । ତେଲକୋଇର କରଦାଙ୍ଗି ଗାଁ ଘୋଡାବେଡା ସାହିରେ ଭାଙ୍ଗିଲେ ୨ ଘର । ୧୫ଟିକିଆ ହାତୀପଲ ଘଟଣା ଘଟାଇଥିବା ସୂଚନା ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ହାତୀପଲରେ ୪/୫ଟି ଛୁଆ ହାତୀ ମଧ୍ୟ ରହିଛନ୍ତି । ରାତି ହେଲେ ଲୋକେ ଶୋଇପାରୁ ନାହାଁନ୍ତି । ଗତକାଲି(ରବିବାର) ବିଳମ୍ବିତ ରାତିରେ ସାହିର ଦୁଇଟି ଘର ଭାଙ୍ଗି ଧାନ ଚାଉଳ ଖାଇ ଦେଇଛନ୍ତି । ପ୍ରଫୁଲ୍ଲ ମହାନ୍ତ ଓ ଲକ୍ଷ୍ମୀ ନାୟକ ଘର ଭାଙ୍ଗି ଘରେ ପଶି ଧାନ ଚାଉଳ ଖାଇଥିବା ଜଣାପଡିଛି ।
ହାତୀ ଘର ଭାଙ୍ଗିବା ଦେଖି ଲୋକେ ଘର ଛାଡି ଦୌଡି ପଳାଇ ଯାଇଥିଲେ । ଅଞ୍ଚଳରେ ହାତୀ ଉପଦ୍ରବ ନେଇ ଆତଙ୍କ ଖେଳିଯାଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
