କେନ୍ଦୁଝର : ଆଜି ଭଗବାନ ଶ୍ରୀକୃଷ୍ଣଙ୍କ ଜନ୍ମଦିନ । ଜନ୍ମାଷ୍ଟମୀ ପାଇଁ ସାରା ଦେଶ ଉତ୍ସବ ମୁଖର । ଚଳିତ ବର୍ଷ ଏହି ଉତ୍ସବକୁ ଫିକା ପକେଇ ଦେଇଛି କୋରୋନା । କୋରୋନା ମହାମାରୀ ପାଇଁ ଅନଲକ ୩ ରେ କେନ୍ଦ୍ର ସରକାର ମନ୍ଦିର ଦର୍ଶନକୁ କୋହଳ କରିଛନ୍ତି । କିନ୍ତୁ ରାଜ୍ୟ ସରକାର ରାଜ୍ୟର ସବୁ ମଠ ମନ୍ଦିରକୁ ଦର୍ଶନ ବନ୍ଦ କରିଛନ୍ତି । ଏଥିପାଇଁ ଆଜି ସବୁ କୃଷ୍ଣ ମନ୍ଦିରରେ ଭିଡ଼ ପରିଲକ୍ଷିତ ହୋଇଥିଲେ ମଧ୍ୟ ଭକ୍ତ ଦର୍ଶନ ନ ପାଇ ମନ କଷ୍ଟ କରିଛନ୍ତି ।
ବିନା ଦର୍ଶନରେ ଜନ୍ମାଷ୍ଟମୀ ପାଳିଲେ ଭକ୍ତ
ସେପଟେ ମନ୍ଦିର ପ୍ରଶାସନ ପକ୍ଷରୁ ମଧ୍ୟ କୋରୋନା କଟକଣା ପାଇଁ ବିଶେଷ ବ୍ୟବସ୍ଥା ଗ୍ରହଣ କରାଯାଇଛି। କଟକଣା ପାଇଁ ମନ୍ଦିର ପ୍ରବେଶକୁ ନିଷେଧ କରାଯାଇଥିଲା ବେଳେ ମନ୍ଦିର ଭିତରକୁ ଭକ୍ତଙ୍କ ଭୋଗକୁ ଗ୍ରହଣ କରାଯାଇଛି । ରାତିରେ ମଧ୍ୟ ରୀତିନୀତି ଅନୁଯାୟୀ ପୂଜା ବିଧି କରାଯିବ ବୋଲି ମନ୍ଦିର ପ୍ରଶାସନ ପକ୍ଷରୁ କୁହାଯାଇଛି।
କେନ୍ଦୁଝରରୁ ସନ୍ତୋଷ ମହାପାତ୍ର,ଇଟିଭି ଭାରତ
