କେନ୍ଦୁଝର: କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜ ଅନ୍ତର୍ଗତ ଉଚ୍ଚବାଲି ଗାଁରୁ ହରିଣ ଉଦ୍ଧାର ହୋଇଛି । ନିକଟସ୍ଥ ଜଙ୍ଗଲରୁ ପଳେଇ ଆସିଥିବା ହରିଣଟିକୁ କୁକୁର ପଲ ଗୋଡ଼ାଉଥିବା ସମୟରେ ସେ ଗାଁର ଜଣେ ବ୍ୟକ୍ତିଙ୍କ ବାଡ଼ି ଭିତରକୁ ପଶିଯାଇଥିଲା । ଏହା ଦେଖି ଗ୍ରାମବାସୀ ହରିଣଟିକୁ ଉଦ୍ଧାର କରି ବନ ବିଭାଗକୁ ହସ୍ତାନ୍ତର କରିଛନ୍ତି ।
ଗାଁରୁ ହରିଣ ଛୁଆ ଉଦ୍ଧାର
ହରିଣଟି ସୁସ୍ଥ ଥିବା ବେଳେ, ତାର ବୟସ ଦୁଇରୁ ଅଢ଼େଇ ବର୍ଷ ହେବ ବୋଲି ଅନୁମାନ କରାଯାଉଛି । ମୟୁରଭଞ୍ଜ ଜଙ୍ଗଲରୁ ବୈତରଣୀ ନଦୀ ପାର ହୋଇ ପାହାଡ଼ପୁର ଦେଇ ହରିଣଟି ଉଚ୍ଚବାଲି ଗାଁକୁ ପଶିଆସିଥିବା ସନ୍ଦେହ କରାଯାଉଛି । ଉଦ୍ଧାର ହରିଣର ପ୍ରାଥମିକ ଚିକିତ୍ସା ପରେ ତାକୁ ନିକଟସ୍ଥ ଜଙ୍ଗଲରେ ଛାଡ଼ିଦିଆଯିବ ବୋଲି ବନ ବିଭାଗ ସୂଚନା ଦେଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
