କେନ୍ଦୁଝର: ତେଲକୋଇ ରେଞ୍ଜରେ ଗାଡି ଧକ୍କାରେ ମୃତ ହରିଣକୁ ଜବତ କରିଛି ବନ ବିଭାଗ । ଗାଡି ଧକ୍କାରେ ପ୍ରାଣ ହରାଇଥିବା ହରିଣକୁ ଗାଡି ମାଲିକ ନେବା ସମୟରେ ବନବିଭାଗ ଗିରଫ କରିଛି ।
ଭିଡିଓ ସୌଜନ୍ୟ : ସମ୍ବାଦଦାତା, କେନ୍ଦୁଝର
ବନ ବିଭାଗ ପକ୍ଷରୁ ବନ୍ୟପ୍ରାଣୀ ଦିବସ ପାଳିତ ହେଉଛି । ବନ୍ୟପ୍ରାଣୀଙ୍କ ସୁରକ୍ଷା ପାଇଁ ଜଙ୍ଗଲ ବିଭାଗ ପ୍ରୟାସ ଜାରି ରଖିଛି । କିନ୍ତୁ ତେଲକୋଇ ରେଞ୍ଜ ଅନ୍ତର୍ଗତ ଦୁବୁଲାପାଳ ଠାରେ ଏକ ମୃତ ହରିଣକୁ ଜଙ୍ଗଲ ବିଭାଗ ଉଦ୍ଧାର କରିଛି ।
ସୂଚନା ଅନୁଯାୟୀ ଛତିଶଗଡ଼ ନମ୍ବର ଥିବା ଏକ ଚାରି ଚକିଆ ଗାଡି ଦୁବୁଲାପାଳ ଦେଇ ଯାଉଥିବା ବେଳେ ହରିଣଟି ରାସ୍ତା ପାର ହେଉଥିବା ସମୟରେ ତାକୁ ଧକ୍କା ଦେଇଥିଲା । ଫଳରେ ହରିଣ ମରିଯାଇଥିବା ଦେଖି ଗାଡି ମାଲିକ ହରିଣ ଟିକୁ ଗାଡି ଭିତରକୁ ଉଠାଇ ନେଇଯାଉଥିଲେ । କୌଣସି ସୂତ୍ରରୁ ଖବର ପାଇ ବନ ବିଭାଗ ଉକ୍ତ ଗାଡିଟିକୁ ଜବତ କରିବା ସହ ମୃତ ହରିଣକୁ ଜବତ କରି ବ୍ୟବଛେଦ ପାଇଁ ରଖି ତଦନ୍ତ କରୁଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
