କେନ୍ଦୁଝର: ବଡବିଲ ଥାନା ଅନ୍ତର୍ଗତ ବଡ଼ବିଲ ରୋଡ଼ରେ ଥିବା ଏକ ହୋଟେଲ ରୁମରୁ ଉଦ୍ଧାର ହେଲା ବ୍ୟକ୍ତିଙ୍କ ମୃତଦେହ । ମୃତକଙ୍କ ପରିଚୟ ଶିବ କୁମାର ବାହିନୀ ଜଣା ପଡିଥିବାବେଳେ ସେ ହରିୟାଣା ଫରିଦାବାଦ ସେକ୍ଟର ୧୭ ଅଞ୍ଚଳର ବୋଲି ଜଣାପଡ଼ିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ସୂଚନା ଅନୁସାରେ ବଡବିଲ ରୋଡ଼ରେ ଥିବା ଆକାଶ ହୋଟେଲର ୧୦୧ ନଂ ରୁମରୁ ଶିବଙ୍କ ମୃତଦେହ ଉଦ୍ଧାର କରାଯାଇଛି । ଶିବ କୁମାର ଗତକାଲି (ସୋମବାର) କୋଲକାତାରୁ ଆସି ଏହି ହୋଟେଲରେ ରହିଥିଲେ । ଶିବଙ୍କର କିପରି ମୃତ୍ୟୁ ଘଟିଛି ତାହା ତଦନ୍ତ ଜାରି ରହିଛି ।
ଘଟଣା ସମ୍ପର୍କରେ ବଡ଼ବିଲ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି । ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ପୋଲିସ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
