ଆନନ୍ଦପୁର: ପୂର୍ବତନ ପ୍ରଧାନମନ୍ତ୍ରୀ ବାଜପେୟୀ କହିଥିଲେ ଦେଶର ବିକାଶ ଗାଁରୁ ସମ୍ଭବ । ସେଥିପାଇଁ ତ ଆରମ୍ଭ କରିଥିଲେ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନା । ହେଲେ ଏଠି ଯୋଜନା ହୋଇଛି, କାର୍ଯ ବି ହୋଇଛି । କିନ୍ତୁ କେଉଁ ମାନର କାମ ହୋଇଛି ତାହା ଟିକେ ଭଲକି ଦେଖିନ୍ତୁ । ଏ ହେଉଛି କେନ୍ଦୁଝର ଜିଲ୍ଲା ଘଷିପୁରା ବ୍ଲକ ଅନ୍ତ୍ରର୍ଗତ ବଳରାମପୁର ପଞ୍ଚାୟତର ଦୃଶ୍ଯ ।
ପ୍ରଧାନମନ୍ତ୍ରୀ ଗ୍ରାମ୍ଯ ସଡ଼କ ଯୋଜନାରେ ଦେଢକୋଟି ଟଙ୍କାର ବ୍ଯୟରେ ନିର୍ମାଣ ହୋଇଛି ବଲରାମପୁର-ଅତାସାଇ ରାସ୍ତା । ଆଉ ରାସ୍ତାର ସୁରକ୍ଷା ପାଇଁ ତିଆରି ହୋଇଥିଲା 50 ଫୁଟର ପାଚେରୀ । କିନ୍ତୁ ଅସରାଏ ବର୍ଷାରେ ଭୁଶୁଡ଼ି ପଡିଛି ସୁରକ୍ଷା ପାଚେରୀ । ଏପଟେ ପାଚେରୀ ଭୁଶୁଡିବାରୁ ଧସିଛି ମୁଖ୍ୟ ରାସ୍ତା । ଆଉ ଠପ୍ ହୋଇଯାଇଛି ପାଞ୍ଚଖଣ୍ଡ ଗ୍ରାମବାସୀଙ୍କ ଗମନାଗମନ । ଏପଟେ ତୁରନ୍ତ ମରାମତି ଏବଂ ତଦନ୍ତ କରାଯାଇ କାର୍ଯ୍ଯାନୁଷ୍ଠାନ ନିଆଯିବ ବୋଲି କହିଛନ୍ତି ବିଭାଗୀୟ ଯନ୍ତ୍ରୀ ।
ଦେଢକୋଟିର ରାସ୍ତା ଧୋଇ ଯାଇଯିବାରୁ ଦୁର୍ଦ୍ଦଶା ଭୋଗୁଛନ୍ତି 5ଖଣ୍ଡ ଗ୍ରାମବାସୀ । ଦେଖିବାକୁ ବାକି ରହିଲା କେବେ ସୁଧୁରିବ ଭୁଶୁଡ଼ି ପଡିୁଥିବା ଏହି ରାସ୍ତାର ଅବସ୍ଥା ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
