କେନ୍ଦୁଝର: କୋଭିଡ କଟକଣାକୁ ଫୁ କରି କରାଯାଉଛି ଜନ ସଚେତନତା । କୋରୋନା ମହାମାରୀରୁ ରକ୍ଷା କରିବା ବିଜେଡି ପକ୍ଷରୁ କରାଯାଉଛି ଜନ ସଚେତନତା ଅଭିଯାନ । ଘର ଘର ବୁଲି ଦଳର କର୍ମୀମାନେ ମାସ୍କ ଓ ସାନିଟାଇଜର ବାଣ୍ଟୁଛନ୍ତି । ଦଳ ପକ୍ଷରୁ ନୂତନ ଯୁବ ସଭାପତିଙ୍କ ନେତୃତ୍ବରେ କେନ୍ଦୁଝର ସହରରେ ଜନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ବିଜୁ ପଟ୍ଟନାୟକଙ୍କୁ ପୁଷ୍ପମାଲ୍ୟ ପରେ ଏକ ବିରାଟ ପଟୁଆରରେ ସହରର ସାତ ନମ୍ବର ୱାର୍ଡରେ ମାସ୍କ ବଣ୍ଟନ କରିଥିଲେ ଦଳର ଶତାଧିକ କର୍ମୀ । କୋଭିଡ଼ ବିରୋଧରେ ସଚେତନତା ଅଭିଯାନରେ କୋଭିଡ଼ ନିୟମକୁ ଭଙ୍ଗ କରିଥିଲେ ଦଳର ତୁଙ୍ଗ ନେତାମାନେ। ଯୁବ ସଭାପତିଙ୍କ ନେତୃତ୍ବରେ ହୋଇଥିବା କାର୍ଯ୍ୟକ୍ରମରେ ସାଂସଦ, ଚମ୍ପୁଆ ବିଧାୟିକା, ଜିଲ୍ଲା ପରିଷଦ ଅଧ୍ୟକ୍ଷା ଆଦି ମଧ୍ୟ ସାମିଲ ହୋଇଥିଲେ । ପ୍ରଶାସନ ଓ ପୋଲିସ ସାଧାରଣ ଲୋକଙ୍କ ପାଇଁ କଡା ନିୟମ ଜାରି କରୁଥିବା ବେଳେ ନେତାଙ୍କ ପାଇଁ କାହିଁକି ନିୟମ କୋହଳ ହେଉଛି ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
