କେନ୍ଦୁଝର: କେନ୍ଦୁଝର ଜିଲ୍ଲା କାଞ୍ଜିପାଣି ଥାନା ୪୯ ନମ୍ବର ଜାତୀୟ ରାଜପଥରେ ଗୋରୁ ବୋଝେଇ ହୋଇଥିବା ଏକ ଟ୍ରକକୁ କାଞ୍ଜିପାଣି ପୋଲିସ ଜବତ କରିଛି । ଏହି ୧୪ ଚକିଆ ଟ୍ରକରେ ଗୋରୁ ବୋଝଇ ହୋଇ କେନ୍ଦୁଝର ଆଡକୁ ଯାଉଥିଲା ।
ଗୋରୁ ବୋଝେଇ ଟ୍ରକ ଜବତ
କାଞ୍ଜିପାଣି କନ୍ୟାଶ୍ରମ ପାଖରେ ଟ୍ରକ ଖରାପ ହୋଇ ଯାଇଥିଲା । ଟ୍ରକଟି ରାସ୍ତା କଡ଼ରେ ଛିଡା ହୋଇଥିବା ବେଳେ ସେଥିରେ ଗୋରୁ ବୋଝେଇ କରି ପାଲ ବନ୍ଧା ହୋଇଥିବା ଭିଏଚପି ଦେଖି ପୋଲିସକୁ ଖବର ଦେଇଥିଲେ । ଏହାପରେ ଭିଏଚପି ଓ ବିଜେପି କର୍ମୀମାନେ ଏହି ଗୋରୁ ଗୁଡିକୁ ଗାଡ଼ିରୁ ଉଦ୍ଧାର କରିଥିଲେ । ପୋଲିସ ପହଞ୍ଚିବା ବେଳକୁ ଡ୍ରାଇଭର ଫେରାର ହୋଇଯାଇଥିଲା ।
କାଞ୍ଜିପାଣି ପୋଲିସ ପକ୍ଷରୁ ଟ୍ରକକୁ ଜବତ କରାଯାଇଥିବା ବେଳେ ୩୦ଟି ଗାଈକୁ ଉଦ୍ଧାର କରାଯାଇଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
