କେନ୍ଦୁଝର: ସହରର ଟାଉନ ଥାନା ଅନ୍ତର୍ଗତ ମାଇନିଂ ପଡିଆରେ ଛିଡା ହୋଇଥିବା ବସରେ ନିଆଁ ଲାଗି ଜଳିଯାଇଛି । ନିଆଁ ଲାଗିବାର କାରଣ ଜଣାପଡିନାହିଁ ।
ଲକଡାଉନ ସମୟରୁ ବସଟି ମାଇନିଂ ପଡିଆରେ ରହିଥିଲା । ଆଜି ହଠାତ୍ ବସଟିରେ ଅଚାନକ ନିଆଁ ଲାଗିଯାଇଥିବା ପ୍ରତ୍ୟକ୍ଷଦର୍ଶୀ କହିଛନ୍ତି । ନିଆଁ ଲାଗିବା ମାତ୍ରେ ସ୍ଥାନୀୟ ଲୋକେ ବସଟିରେ ପାଣି ଢାଳି ଲିଭେଇବାକୁ ଚେଷ୍ଟା କରିଥିଲେ । ପରେ ଖବର ପାଇ ଅଗ୍ନିଶମ ବିଭାଗର କର୍ମଚାରୀ ପହଁଚି ନିଆଁକୁ ଆୟତ୍ତ କରିଥିଲେ ।
ଜଳିଗଲା ବସ
ତେବେ ବସଟିରେ ହଠାତ ନିଆଁ ଲାଗିବାର କାରଣ ଜଣାପଡିନାହିଁ । ଅତ୍ୟଧିକ ଗରମ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
