କେନ୍ଦୁଝର: ରାଜ୍ୟରେ ପ୍ରଧାନମନ୍ତ୍ରୀ ଆବାସ ଯୋଜନାରେ ବ୍ୟାପକ ଅନିୟମିତତା ଓ ଭ୍ରଷ୍ଟାଚାର ହୋଇଥିବା ପ୍ରତିବାଦରେ ଗୁରୁବାର କେନ୍ଦୁଝର ଜିଲ୍ଲା ବିଜେପି ପକ୍ଷରୁ ସଦର ବିଧାୟକ ମୋହନ ଚରଣ ମାଝୀଙ୍କ ନେତୃତ୍ବରେ ରାଜ୍ୟପାଳଙ୍କ ଉଦ୍ଦେଶ୍ୟରେ ଝୁମ୍ପୁରା ବିଡିଓଙ୍କ ଜରିଆରେ ଏକ ଦାବିପତ୍ର ପ୍ରଦାନ କରାଯାଇଛି ।
ବିଜେପିର ପାଖାପାଖି ୫୦ ଦଳୀୟ କର୍ମୀ ଝୁମ୍ପୁରା ବ୍ଲକ କାର୍ଯ୍ୟାଳୟ ସମ୍ମୁଖରେ ପହଞ୍ଚି ଧାରଣା ଦେବା ସହିତ ବିକ୍ଷୋଭ ପ୍ରଦର୍ଶନ କରିଥିଲେ । ବ୍ଲକ ଆଗରେ ଏକ ପଥପ୍ରାନ୍ତ ସଭା ମଧ୍ୟ କରିଥିଲେ । ଝୁମ୍ପୁରା ବ୍ଲକରେ କିପରି ଆବାସ ଯୋଜନାରେ ଦୁର୍ନୀତି ହୋଇଛି ତାହା ନେତାମାନେ ମତବ୍ୟକ୍ତ କରିଥିଲେ । ସବୁଠାରୁ ବଡ କଥା ହେଲା ଏହି ବ୍ଲକରେ ଶାସକ ଦଳର ଅନେକ ଅଯୋଗ୍ୟ ହିତାଧିକାଙ୍କୁ ରାଜନୈତିକ ସଂପର୍କ କାରଣରୁ ଆବାସ ଯୋଜନାରେ ସ୍ଥାନ ମିଳିଛି । କିନ୍ତୁ, ଦୁଃଖର ବିଷୟ ଏଥିରୁ ବହୁ ଗରିବ ଯୋଗ୍ୟ ହିତାଧୀକାରୀ ବାଦ ପଡି ଯାଇଛନ୍ତି ବୋଲି ଏହିଭଳି ସାଙ୍ଘାତିକ୍ ଅଭିଯୋଗ ଆଣିଛି ବିଜେପି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
