କେନ୍ଦୁଝର: ମଙ୍ଗଳବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମ ଦିନ । ଏହି ଦିନଟିକୁ ବିଜେପି ପକ୍ଷରୁ ସେବା ଦିବସ ଭାବେ ପାଳନ କରିବା ସହ ସଂକଳ୍ପ ଗ୍ରହଣ କରିଛନ୍ତି । ଏହି ଦିବସ ଉପଲକ୍ଷେ ବିଜେପି ପକ୍ଷରୁ ଜିଲ୍ଲାର ସମସ୍ତ ନିର୍ବାଚନ ମଣ୍ଡଳୀରେ ସେବା କାର୍ଯ୍ୟ ସମ୍ପାଦନ କରାଯିବା ପାଇଁ ନିଷ୍ପତ୍ତି ନିଆଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ଆଜି କେନ୍ଦୁଝର ମୁଖ୍ୟ ଚିକିତ୍ସାଳୟରେ ବିଜେପି ପକ୍ଷରୁ ସଦର ବିଧାୟକ ମୋହନ ଚରଣ ମାଝୀଙ୍କ ନେତୃତ୍ବରେ ଏକ ଦଳ ରୋଗୀଙ୍କୁ ଫଳ ବଣ୍ଟନ କରିଥିଲେ । କେନ୍ଦ୍ର ସରକାର ପ୍ଲାଷ୍ଟିକ ଜିନିଷ ବର୍ଜନ କରିଥିବାରୁ ଶାଳ ଚଉତିରେ ଫଳ ବଣ୍ଟନ କରଯାଇଥିଲା । ଆଗାମୀ ଦିନରେ ରକ୍ତ ଦାନ ଶିବିର, ବୃକ୍ଷ ରୋପଣ ସାଙ୍ଗକୁ ପ୍ଲାଷ୍ଟିକ ବର୍ଜନ କାର୍ଯ୍ୟକ୍ରମ ହାତକୁ ନେବା କାର୍ଯ୍ୟକ୍ରମ ରହିଛି । ଏହି ଫଳ ବଣ୍ଟନ କାର୍ଯ୍ୟକ୍ରମରେ ଜିଲ୍ଲାର ବହୁ କର୍ମୀ ସାମିଲ ହୋଇଥିଲେ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
