କେନ୍ଦୁଝର: ରାଷ୍ଟ୍ରୀୟ ଜନଜାତି ଆୟୋଗର ସଦସ୍ୟ ଅନନ୍ତ ନାଏକଙ୍କ ଜନ ଅଭିଯୋଗ ଶୁଣାଣି ହୋଇଛି । କେନ୍ଦୁଝର ଜିଲ୍ଲା ବଡ଼ବିଲ ତହସିଲରେ ପ୍ରସ୍ତାବିତ ବାଇପାସ ରାସ୍ତା ଦ୍ୱାରା ପ୍ରଭାବିତ ହେଉଥିବା କାଶିଆ, ଝାଡଗାଁ ଓ ଭୁଶଗାଁର ଲୋକଙ୍କ ଅଭିଯୋଗର ଶୁଣାଣି କରିଛନ୍ତି ରାଷ୍ଟ୍ରୀୟ ଜନଜାତି ଆୟୋଗର ସଦସ୍ୟ ଅନନ୍ତ ନାଏକ ।
ରାଷ୍ଟ୍ରୀୟ ଜନଜାତି ଆୟୋଗର ସଦସ୍ୟ ଅନନ୍ତ ନାଏକଙ୍କ ଜନ ଅଭିଯୋଗ ଶୁଣାଣି
ଆୟୋଗର ଉପନିର୍ଦ୍ଦେଶକ ରାକେଶ କୁମାର ଦୁବେ, ସହକାରୀ ନିର୍ଦ୍ଦେଶକ ଭି. ଅଶୋକ ବର୍ଦ୍ଧନ, କମିଶନଙ୍କ ବ୍ୟକ୍ତିଗତ ସଚିତ ପିକେ ପରିଡା, ବ୍ୟକ୍ତିଗତ ସହାୟକ ବିବି ବିଶ୍ୱାଳ, ଅଧିକାରୀ ଦୀପକ କୁମାର ପଲାଇ ଓ ରାଜ୍ୟ ଅଧିକାରୀ ଏବଂ ଆୟୋଗର ସଦସ୍ୟ ନାଏକ ଜନ ଅଭିଯୋଗ ଶୁଣିବା ପାଇଁ ଏଠାକୁ ଆସିଥିଲେ । ଶୁଣାଣି ସମୟରେ ସ୍ଥାନୀୟ ଲୋକମାନେ ଅଭିଯୋଗ କରିଥିଲେ ଯେ, ପ୍ରସ୍ତାବିତ ବାଇପାସ ଦ୍ୱାରା ଉକ୍ତ ୩ଟି ଗାଁର ଗୋଟିଏ ମଶାଣୀ, ଦୁଇଟି ଧାର୍ମିକ ସ୍ଥଳ, ଗୋଟିଏ ସ୍କୁଲ ଓ ଗୋଟିଏ ଅଙ୍ଗନବାଡି କେନ୍ଦ୍ର ଉଚ୍ଛେଦ ହେବ ।
