କେନ୍ଦୁଝର: କୋରୋନା ମହାମାରୀ ସହ ସମସ୍ୟା ବଢାଇଛି ମହାବାତ୍ୟା ଅମ୍ଫାନ । ଏହାର ପ୍ରଭାବ ଓଡି଼ଶାରେ ଦେଖା ଦେଇଛି । ଏହି ପ୍ରଭାବ ଯୋଗୁଁ ଓଡ଼ିଶାର ତଟବର୍ତ୍ତୀ ଜିଲ୍ଲା ସହ କେନ୍ଦୁଝରରେ ମଧ୍ୟ ପବନ ସାଙ୍ଗକୁ ବର୍ଷା ହୋଇଥିଲା ।
ଅମ୍ଫାନ ପ୍ରଭାବ: କେନ୍ଦୁଝରରେ ଭାଙ୍ଗିଲା ପେଟ୍ରୋଲ ପମ୍ପ ଛାତ
ଜିଲ୍ଲାର ବିଭିନ୍ନ ସ୍ଥାନରେ ପବନ ସହ ତୁହାକୁ ତୁହା ବର୍ଷା ହୋଇଥିଲା । ଏହି ବର୍ଷା ପବନ ଦ୍ବାରା ଜନ ହରିଚନ୍ଦନପୁର ବ୍ଲକ ଅନ୍ତର୍ଗତ ଭାଗମୁଣ୍ଡାଠାରେ ଥିବା ପେଟ୍ରୋଲପମ୍ପ କ୍ଷତିଗ୍ରସ୍ତ ହୋଇଛି । କିଷାନ ସେବା କେନ୍ଦ୍ର ଦ୍ବାରା ପରିଚାଳିତ ଏହି ପେଟ୍ରୋଲପମ୍ପର ଉପର ଛାତ ଭାଙ୍ଗି ତଳେ ପଡିଯାଇଛି । ଏହା ଦ୍ୱାରା କୌଣସି ମନୁଷ୍ୟ ଜୀବନ କ୍ଷତିଗ୍ରସ୍ତ ହୋଇନଥିବା ବେଳେ ସାମୟିକ ଭାବେ ପେଟ୍ରୋଲିୟମ ସେବା ଏହି କେନ୍ଦ୍ରରେ ବନ୍ଦ ହୋଇଛି । ଦ୍ରୁତ ପବନ ଯୋଗୁଁ ଉକ୍ତ ଅଞ୍ଚଳରେ ବହୁ ଗଛ ନଷ୍ଟ ହୋଇଥିବା ଜଣାପଡିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
