ଆନନ୍ଦପୁର : କେନ୍ଦଝର ଜିଲ୍ଲାର ଆନନ୍ଦପୁର ଉପଖଣ୍ଡକୁ ଅନେକ କ୍ଷେତ୍ରରେ ଅବହେଳା କରାଯାଉଥିବା ବେଳେ ଏସବୁକୁ ବିରୋଧ କରି ତାତିଛନ୍ତି ଉପଖଣ୍ଡର ବୁଦ୍ଧିଜୀବୀ । ଘଷିପୁରା ଝାଡେଶ୍ୱର ମନ୍ଦିର ନିକଟରେ ବରିଷ୍ଠ ନାଗରିକ, ସାମ୍ବାଦିକ ଏବଂ ବିଭିନ୍ନ ରାଜନୈତିକ ଦଳର କର୍ମକର୍ତ୍ତାମାନେ ଏକ ବୈଠକର ଆୟୋଜନ କରିଥିଲେ । ଯେଉଁଥିରେ ଏକ କମିଟି ଗଠନ କରାଯାଇଛି ।
ଅବହେଳା ହେଉଥିବା ଅଭିଯୋଗରେ ଆନନ୍ଦପୁର ଉପଖଣ୍ଡର ବୁଦ୍ଧିଜୀବୀଙ୍କ ବିରୋଧ
ଏଥିରେ ଆନନ୍ଦପୁରକୁ ରେଳପଥ ସଂଯୋଗ, ଇସ୍ପାତ କାରଖାନା, ମେଡ଼ିକାଲ କଲେଜ ଆଦି ବିଭିନ୍ନ ପ୍ରକାର ଦାବିକୁ ନେଇ ଆଗାମୀ ଦିନରେ ଆନନ୍ଦପୁର ବାସିନ୍ଦାଙ୍କ ସଂଘର୍ଷ ଜାରି ରଖିବାକୁ ଆହ୍ୱାନ ଦିଆଯାଇଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
