କେନ୍ଦୁଝର: ଗଣତନ୍ତ୍ରର ମହାପର୍ବ ସାଧାରଣ ନିର୍ଵାଚନର ତୃତୀୟ ପର୍ଯ୍ୟୟ ମତଦାନ ସରିଯାଇଛି । କେନ୍ଦୁଝର ଜିଲ୍ଲାରେ ୭ଟି ବିଧାନସଭା ଓ ଗୋଟିଏ ଲୋକସଭା ଆସନ ପାଇଁ ଜନତା ତାଙ୍କ ନେତାଙ୍କୁ ଭୋଟ ଦେଇଛନ୍ତି । ଜିଲ୍ଲାରେ ୭୮.୧୬% ଭୋଟର ମତଦାନ କରିଥିବା ପ୍ରଶାସନ ପକ୍ଷରୁ ପ୍ରକାଶ ପାଇଛି ।
ଭିଡିଓ ସୌଜନ୍ୟ: ସମ୍ବାଦଦାଦା କେନ୍ଦୁଝର
ଭୋଟ ପରେ ଇଭିଏମ ମଧ୍ୟ ଆସି ଭୋଟଗ୍ରହଣ କେନ୍ଦ୍ରରେ ପହଁଛି ଯାଇଛି । ଜିଲ୍ଲାର କିଛି ସ୍ଥାନକୁ ଛାଡିଲା ପରେ ସବୁ ଭୋଟ କେନ୍ଦ୍ରରେ ଶାନ୍ତି ଶୃଙ୍ଖଳା ସହ ନିର୍ଵାଚନ ଅନୁଷ୍ଠିତ ହୋଇଯାଇଛି ।
ତେଲକୋଇ ନିର୍ଵାଚନ ମଣ୍ଡଳୀର ତିନୋଟି ବୁଥରେ ଭୋଟ ବର୍ଜନ ନିଷ୍ପତ୍ତି ହୋଇଥିଲା । କିନ୍ତୁ ଏହି ତିନୋଟି କେନ୍ଦ୍ରରେ ପୁନର୍ବାର ଭୋଟ ହେବନାହିଁ ବୋଲି ଜିଲ୍ଲା ପ୍ରଶାସନ ଜଣାଇଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
