କେନ୍ଦୁଝର: ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ କେନ୍ଦୁଝର ଜିଲ୍ଲାର 3 ଖଣି ଜରିମାନା ଖିଲାପକାରୀ ଓ ୩୧ଟି ଖଣିର 23 ଲିଜଧାରିଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ବିଧିବଦ୍ଧ ପଦକ୍ଷେପ ଆରମ୍ଭ ହୋଇଛି । ଏଥିପାଇଁ ଜିଲ୍ଲା ମାଜିଷ୍ଟ୍ରେଟଙ୍କ ଅଦାଲତରେ ଗତ 2018 ମେ 24 ତାରିଖ ଏକ ସାର୍ଟିଫିକେଟ କେସ୍ କରାଯାଇଥିଲା ।
ମାମଲାରେ ଶନିବାର କେନ୍ଦୁଝର ଜିଲ୍ଲାପାଳଙ୍କ କୋର୍ଟ ଏକ ଗୁରୁତ୍ୱପୂର୍ଣ ରାୟ ପ୍ରଦାନ କରିଛନ୍ତି । ଜିଲ୍ଲାପାଳଙ୍କ କୋର୍ଟରେ ୬ ଜଣ ଖଣି ମାଲିକରୁ ୫ ଖଣି ମାଲିକ ହାଜର ହୋଇଥିଲେ । ଓପିଡ଼ିଆର ଆକ୍ଟ 1962 ଅନୁଯାୟୀ ପରିବେଶ ଓ ବେଆଇନ ଖଣି ଖନନ ମାମଲାରେ ନିର୍ଦ୍ଧାରିତ ସମୟରେ ଜରିମାନା ଦାଖଲ କରି ନଥିବାରୁ ଦୁଇ ଜଣ ଖଣି ମାଲିକଙ୍କ ସମ୍ପତ୍ତି ଜବତ ପାଇଁ ଜିଲ୍ଲାପାଳ ୱାରେଣ୍ଟ ଜାରି କରିଛନ୍ତି ।
ଦୁଇ ଜଣ ଖଣି ମାଲିକଙ୍କ ନାମ ଏମ ଆର ଦାସ ଏବଂ ଅର୍ଜ୍ଜୁନ ଲୋଧା ହୋଇଥିବା ବେଳେ ଏକ ମାସ ମଧ୍ୟରେ ସେମାନଙ୍କ ସମ୍ପତ୍ତି ଜବତ କରିବା ପାଇଁ ପୋଲିସ ଓ ସଂପୃକ୍ତ ତହସିଲଦାରଙ୍କୁ ନିର୍ଦ୍ଦେଶ ଦିଆଯାଇଛି । ପୂର୍ବରୁ ଏସ୍ ଡି ଶର୍ମା, ବିପିଏମ୍ଇ, ବାସୁଦେବ ଅଗ୍ରୱାଲ, ବି କେ ମହାନ୍ତି , ବି ଡି ପଟନାୟକ ଓ ନାରାୟଣୀ ଏଣ୍ଡ ସନ୍ସ କମ୍ପାନୀକୁ ଜିଲ୍ଲାପାଳ ନୋଟିସ ଦେଇଥିଲେ । ଶନିବାର ବିଡି ପଟ୍ଟନାୟକ ଦୁଇ କୋଟି ଟଙ୍କା ପୈଠ କରିଥିବା ବେଳେ ଫେକର ଓ ମେସ୍କୋ କମ୍ପାନୀ ସମୟ ନେଇଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
