କେନ୍ଦୁଝର: ଅଜଣା ଗାଡି ଧକ୍କାରେ ଜଣେ ମୃତ । ଏହି ଦୁର୍ଘଟଣାଟି ସକାଳୁ ରାଇସୁଆଁ ଥାନା ସମ୍ମୁଖରେ ଘଟିଛି । ଏଥିରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତ ବ୍ୟକ୍ତିଙ୍କ କୌଣସି ପରିଚୟ ବର୍ତ୍ତମାନ ସୁଦ୍ଧା ଜଣାପଡିନାହିଁ ।
ଭିଡିଓ ସୌଜନ୍ୟ: ସମ୍ବାଦଦାତା କେନ୍ଦୁଝର
ଖବର ଅନୁଯାୟୀ, ଧକ୍କା ଦେଇଥିବା ଗାଡିଟି ବ୍ୟକ୍ତିଟିର ଅଣ୍ଟା ଉପରେ ଚଢ଼ି ଯାଇଥିବାରୁ ଘଟଣାସ୍ଥଳରେ ବ୍ୟକ୍ତି ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ଏ ବିଷୟରେ ଖବର ପାଇ ରାଇସୁଆଁ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ମୃତ ବ୍ୟକ୍ତିର ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
