କେନ୍ଦୁଝର: ଯୋଡ଼ା ଥାନା ଆଜାଦବସ୍ତି ଅଂଚଳରେ ବଡ଼ ଧରଣର ଚୋରି । ଯୋଡ଼ା ଆଜାଦ ବସ୍ତି ସ୍ଥିତ ମହେଶ ସିଂଙ୍କ ଭଡ଼ାଘରେ ରହୁଥିବା ଗୋପୀ କୁମାରଙ୍କ ଘରୁ ଚୋରି ହୋଇଥିବା ଜଣାପଡିଛି । ପାଖାପାଖି ସାଢ଼େ ୩ ଲକ୍ଷ ଟଙ୍କାର ସୁନା ଗହଣା, ଦେଢ ହଜାର ଟଙ୍କା, ଶାଢୀ ଓ ଅନ୍ୟାନ୍ୟ ଜିନିଷ ଚୋରି ହୋଇଥିବା ଯୋଡ଼ା ଥାନାରେ ଅଭିଯୋଗ ହୋଇଛି ।
ଗ୍ରୀଲ ତାଡି ଲୁଟିନେଲେ 3 ଲକ୍ଷ ଟଙ୍କାର ଗହଣା
ଘରେ କେହି ନଥିବାର ସୁଯୋଗ ନେଇ ଗ୍ରୀଲ ତାଡି ଘରେ ପଶିଥିଲେ ଦୁର୍ବୃତ୍ତ । ଘରେ ଥିବା ଆଲମାରୀ ଭଙ୍ଗାଯାଇଥିବା ସହ ଆସବାବପତ୍ର ଏଣେତେଣେ ଖେଳାଇ ହୋଇ ପଡ଼ିଥିବା ଦେଖିବାକୁ ମିଳିଛି । ଗୋପୀ କୁମାର ଏନେଇ ଯୋଡ଼ା ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଘଟଣାର ଛାନଭିନ ଆରମ୍ଭ କରିଛି । ବଡ଼ବିଲ ଏସଡିପିଓ ସତ୍ୟବିକାଶ ଭୂୟାଁ, ଯୋଡା ଆଇଆଇସି ରାଇସେନ ମୁର୍ମୁ ଘଟଣାସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି । ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁରର ସହାୟତା ନିଆଯାଇ ତଦନ୍ତ କରାଯାଉଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
