ଆନନ୍ଦପୁର: କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘଷିପୁରା ଥାନାଞ୍ଚଳରେ ବିଦ୍ୟୁତ ଆଘାତରେ ଜଣେ ଯୁବକଙ୍କ ମୃତ୍ୟୁ ହୋଇଛି। ଆନନ୍ଦପୁର ଉପଖଣ୍ଡରେ ଧକୋଠା ଗାଁ ଏଭଳି ଏକ ଘଟଣା ଦେଖିବାକୁ ମଳିଛି। ମୃତକ ସେହି ଗାଁର କାହ୍ନୁ ପଲେଇ ବୋଲି ଜଣାପଡ଼ିଛି।
କାହ୍ନୁଙ୍କ ଘରେ ଏକ ଫ୍ୟାନ ଖରାପ ହୋଯାଇଥିଲା। ତେବେ ଫ୍ୟାନ ସଜାଡ଼ିବା ବେଳେ କୌଣସି ପ୍ରକାରରେ ସେ ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ। ଫଳରେ ବିଦ୍ୟୁତ ତାର ଆଘାତରେ ସେ ଗୁରୁତର ଆହତ ହୋଇଥିଲେ। ଏହାପରେ ତୁରନ୍ତ କାହ୍ନୁଙ୍କୁୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ତେବେ ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
