ଆନନ୍ଦପୁର: ପାଣିରେ ବୁଡି ଯୁବକ ମୃତ । କେନ୍ଦୁଝର ଜିଲ୍ଲା ଘସିପୁରା ବ୍ଲକ ରାମଚନ୍ଦ୍ରପୁର ଥାନା ଅଞ୍ଚଳରେ ଜଣେ ଯୁବକ ପୋଖରୀରେ ଗାଧୋଇବା ବେଳେ ଅସାବଧାନତା ଯୋଗୁଁ ଗୋଡ ଖସି ପାଣିରେ ବୁଡି ପ୍ରାଣ ହରାଇଛନ୍ତି ।
ଅସାବଧାନତା ଯୋଗୁଁ ପାଣିରେ ବୁଡି ଯୁବକ ମୃତ
ସୂଚନା ଅନୁଯାୟୀ ଘସିପୁରା ବ୍ଲକ ରାମଚନ୍ଦ୍ରପୁର ଥାନା ଅନ୍ତର୍ଗତ ଅଙ୍ଗାରୁଆ ଦଳିତ ସାହିର ଚନ୍ଦନ ଜେନା ନାମକ ଯୁବକ ବିଲରୁ କାମ ସାରି ଗାଁ ନୂଆଶାସନ ପୋଖରୀରେ ଗାଧୋଇବା ବେଳେ ବୁଡି ଯାଇଥିଲେ । ପୋଖରୀ ତୁଠରେ ଜୋତା ପଡିଥିବା ଦେଖି ପରିବାର ଲୋକ ଗାଁ ଲୋକଙ୍କ ସହାୟତାରେ ପାଣି ଭିତରୁ ଚନ୍ଦନର ମୃତଦେହକୁ ଉଦ୍ଧାର କରିଥିଲେ ।
ଖବର ପାଇ ରାମଚନ୍ଦ୍ରପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରି ୧୪/୨୦ରେ ଏକ ଅପମୃତ୍ୟୁ ମାମଲା ରୁଜୁ କରିଛି । ମୃତଦେହ ବ୍ୟବଛେଦ କରିବାକୁ ଆନନ୍ଦପୁର ଉପଖଣ୍ତ ଚିକିତ୍ସାଳୟକୁ ପଠାଇଛି । ଘଟଣା ପରେ ଦଳିତ ସାହିରେ ଶୋକାକୁଳ ପରିବେଶ ସୃଷ୍ଠି ହୋଇଛି ।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
