ଆନନ୍ଦପୁର: ମଦ୍ୟପ ଅଗ୍ନିଶମ କର୍ମଚାରୀଙ୍କ ଉନ୍ମକ୍ତ କାଣ୍ଡ । ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ଘସିପୁରା ଥାନା ସମ୍ମୁଖରେ । ଘସିପୁରା ଅଗ୍ନିଶମ ବିଭାଗର ଜଣେ କର୍ମଚାରୀ ପ୍ରଚୁର ମଦ୍ୟପାନ କରି ଘସିପୁରା ଥାନା ସମ୍ମୁଖରେ ସାଧାରଣ ଲୋକଙ୍କୁ ଖରାପ ଭାଷାରେ ଗାଳି ଗୁଲଜ କରିବା ସହ ଆକ୍ରମଣ କରିଥିଲେ । ଫଳରେ ଲୋକମାନେ ଭୟଭୀତ ହୋଇ ନିଜ ଜୀବନକୁ ରକ୍ଷା କରିବା ପାଇଁ ସେଠାରୁ ଦଉଡ଼ି ପଳାଇବା ସହ ପୋଲିସକୁ ଖବର ଦେଇଥିଲେ ।
ମଦ୍ୟପ ଅଗ୍ନିଶମ କର୍ମଚାରୀଙ୍କ ଉନ୍ମୁକ୍ତ କାଣ୍ଡ
ଖବରପାଇ ପୋଲିସ ପହଞ୍ଚି ଉକ୍ତ କର୍ମଚାରୀଙ୍କୁ ଅଟକାଇବାକୁ ଉଦ୍ୟମ କରିଥିଲେ ମଧ୍ୟ ପୋଲିସ କର୍ମଚାରୀ ମଧ୍ୟ ଆକ୍ରମଣର ଶିକାର ହୋଇଛନ୍ତି । ଶେଷରେ ଘସିପୁରା ପୋଲିସ ସେହି କର୍ମଚାରୀକୁ ଗିରଫ କରି କୋର୍ଟ ଚାଲାଣ କରିଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
