ନବମ ଶ୍ରେଣୀ ଛାତ୍ରଙ୍କ ବିଷ ପିଇ ଆତ୍ମହତ୍ୟା

କ୍ଲାସ ପରୀକ୍ଷା ଖରାପ ହୋଇଥିବାରୁ ମା' ରାଗିଥିଲେ । ଏହାପରେ ଶିବ କେଉଁଆଡେ ଚାଲିଯାଇଥିଲେ । ତେବେ 2ଦିନ ପରେ ଘରୁ ଫେରିବା ପରେ ବିଷ ପିଇ ଆତ୍ମହତ୍ୟା କରିଛନ୍ତି ଶିବ । ଜାଣନ୍ତୁ କଣ ରହିଛି ପୁରା ଖବର...

ଆନନ୍ଦପୁର: କେନ୍ଦୁଝର ଜିଲ୍ଲା ସୋସୋ ଥାନା ସଢା ଗାଁରେ ଅଘଟଣ । ୯ମ ଶ୍ରେଣୀ ଛାତ୍ର ଶିବ ବିଷ ପିଇ ଆତ୍ମହତ୍ୟା କରିଛନ୍ତି ।

ଗୁରୁତର ଅବସ୍ଥାରେ ତାଙ୍କୁ ସୋମବାର ସକାଳେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ତେବେ ବିଷ ପିଇଥିବାରୁ ମୃତ୍ୟୁ ହୋଇଥିବା ରିପୋର୍ଟରୁ ଜଣାପଡିଛି ।

ଖବରମୁତାବକ, କ୍ଲାସ ପରୀକ୍ଷା ଖରାପ ହୋଇଥିବାରୁ ମା' ରାଗିଥିଲେ । ଏହାପରେ ଶିବ କେଉଁଆଡେ ଚାଲିଯାଇଥିଲେ । 2ଦିନ ପରେ ଘରୁ ଫେରିବା ପରେ ଆତ୍ମହତ୍ୟା କରିଛନ୍ତି ଶିବ ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ