କେନ୍ଦୁଝର: ଜିଲ୍ଲା ପୋଲିସି ବଡ ସଫଳତା । ମଙ୍ଗଳବାର ରାତିରେ ତୁରୁମୁଙ୍ଗା ଥାନା ବାଉଁସୁଲି ଜଙ୍ଗଲରେ କିଛି ଲୋକ ଏକାଠି ହୋଇଥିବା ପୋଲିସ କୁ ଖବର ମିଳିଥିଲା । ରାତିରେ ରିଜର୍ଭ ଜଙ୍ଗଲ ରେ ଏତେ ଲୋକ ଏକାଠି ହେବା ଖବର ପାଇବା ପରେ ପୋଲିସ ଦୁଇଟି ଟିମ କରି ତାଙ୍କ ଉପରେ ଚଢ଼ାଉ କରିଥିଲା । ଚଢ଼ାଉ କରି 6 ଜଣଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ । ଗିରଫ କରିବାପରେ ତାଙ୍କ ନିକଟରୁ ୩ଟି ବନ୍ଧୁକ, ୭ ଟି ଜୀବନ୍ତ ଗୁଳି, ଭୁଜାଲି, ଫାରସା, ୫ଟି ମୋବାଇଲ ଜବତ ହୋଇଥିଲା ।
ତଦନ୍ତ ଜଣାପଡିଥିଲା ଏମାନେ ଓଡିଶା ଓ ଝାରଖଣ୍ଡ ର ବିଭିନ୍ନ ଜାଗାରେ ଚୋରି ଓ ଡକାୟତିରେ ସମ୍ପୃକ୍ତ ଥିଲେ । ଏହି ଡକାୟତ ଙ୍କ ଭିତରେ ଝାରଖଣ୍ଡ, କେନ୍ଦୁଝର ର ଢେକିଂକୋଟ, ଘଟଙ୍ଗା, ପାଟଣା ଅଂଚଳ ର ଯୁବକ ମାନଙ୍କ ସମ୍ପୃକ୍ତି ରହିଛି । ଏମାନଙ୍କ ନେତୃତ୍ୱ ନେଉଥିଲେ ଢେଙ୍କିକୋଟ ର ଗୋବିନ୍ଦ ଗିରି । ଏମାନଙ୍କ ବିରୋଧରେ କେନ୍ଦୁଝର ଜିଲ୍ଲାର ତୁରୁମୁଙ୍ଗା, ଚମ୍ପୁଆ, ପାଟଣା, ଘଟଙ୍ଗା କେନ୍ଦୁଝର ଟାଉନଥାନା ସହ ମୟୁରଭଞ୍ଜ ଘାଗରବେଡା ସହ ଝାରଖଣ୍ଡ ର ବହୁ ଥାନାରେ ବହୁ ମାମଲା ରହିଛି ।
ପୋଲିସ ଡକାୟତ ଙ୍କୁ ପଚରା ଉଚାର କରିବା ପରେ ଝାରଖଣ୍ଡ ଅଂଚଳ ର ମାଣିକର ନାଏକ ବନ୍ଧୁକ ଯୋଗାଉ ଥିବାବେଳେ ସୁକାନ୍ତ ନାଏକ, ବିଷ୍ଣୁ ସେନାପତି, ଅମୂଲ୍ୟ ପାତ୍ର କେନ୍ଦୁଝର ରେ ରହି ଟଙ୍କା ଅଣୁଥିବା ବ୍ୟକ୍ତି ଙ୍କ ବିଷୟରେ ଖବର ଦେଇ ଡକାୟତି କରୁଥିଲେ ବୋଲି ସୂଚନା ମିଳିଛି । ଏହି ଡକାୟତ ମାନେ ପାଟଣା ଅଂଚଳରୁ 1ଲକ୍ଷ 93 ହଜାର ଟଙ୍କା, ତୁରୁମୁଙ୍ଗା ଥାନା ଡାବରଚୁଆ ଅଞ୍ଚଳ ରୁ 92ହଜାର ଟଙ୍କା, ଟାଉନ ଥାନା ଡିମ୍ବ ଗାଁ ନିକଟରୁ ଏକ ସିମେଣ୍ଟ ବ୍ୟବସାୟୀ ଙ୍କ ଠାରୁ ବନ୍ଧୁକ ମୁନରେ 15ହଜାର ଟଙ୍କା,ଝାରଖଣ୍ଡ ମଝିଗାଁ ଅଞ୍ଚଳ ରୁ 50 ହଜାର ଟଙ୍କା ଲୁଟ ମାମଲାରେ ସମ୍ପୃକ୍ତ ରହିଛନ୍ତି । ଏହାସହିତ ସୂଚନା ମୁତାବକ କେନ୍ଦୁଝର ଓ କରଞ୍ଜିଆ ଅଂଚଳରୁ ବାଇକି ଚୋରି କରି ଚୋରା ବାଇକ ଗୁଡିକ ଲୋକ ମାନଙ୍କୁ ବିକ୍ରି କରିଥାନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
