କେନ୍ଦ୍ରାପଡା: ଭିତରକନିକା ବୁଲିବାକୁ ଆସିଥିବା ପର୍ଯ୍ୟଟକଙ୍କୁ ମାଡ଼। ଗତ ରବିବାର ଭୁବନେଶ୍ବରରରୁ ଭିତରକନିକା ବୁଲିବାକୁ ଆସିଥିବା ପର୍ଯ୍ୟଟକଙ୍କୁ କିଛି ସ୍ଥାନୀୟ ଯୁବକ ଅଶ୍ଳୀଳ ଭାଷା କହିବା ସହ ମାଡ ମାରିଥିଲେ । ଏଥିସହ ସେମାନଙ୍କୁ ମାରଣାସ୍ତ୍ର ଦେଖାଇ ତାଙ୍କ ଠାରୁ ଟଙ୍କା ଓ ମୋବାଇଲ ଲୁଟ କରି ନେଇଥିବା ଅଭିଯୋଗ ହୋଇଛି ।
ସୂଚନା ଅନୁୟାୟୀ, ଗତ ରବିବାର ସନ୍ଧ୍ୟା ସମୟରେ ଏକ ବସ ଓ କାର ଯୋଗେ ପ୍ରାୟ 70 ଜଣ ପର୍ଯ୍ୟଟକ ଭୁବନେଶ୍ବରରୁ କେନ୍ଦ୍ରାପଡ଼ା ରାଜନଗର ଭିତରକନିକା ବୁଲିବାକୁ ଆସିଥିଲେ । ସେହି ସମୟରେ ପେଣ୍ଠ ବେଳାଭୂମି ଅଞ୍ଚଳର କୁରୁଣ୍ଟି ଛକ ନିକଟରେ କିଛି ସ୍ଥାନୀୟ ଯୁବକ ପର୍ଯ୍ୟଟକଙ୍କ ଅଟକାଇ ଅଶ୍ଳୀଳ ଭାଷା କହିବା ସହ ମାଡ ମାରିଥିଲେ।
ଏହାପରେ ମାରଣାସ୍ତ୍ର ଦେଖାଇ ତାଙ୍କ ଠାରୁ ଟଙ୍କା ଓ ମୋବାଇଲ ଲୁଟ କରିବା ସହ ସେମାନଙ୍କ ଗାଡିକୁ ଭାଙ୍ଗି ଦେଇଥିବା ରାଜନଗର ଥାନାରେ ଏକ ଲିଖିତ ଅଭିଯୋଗ ହୋଇଛି । ଅଭିଯୋଗ ଆଧାରରେ ପୋଲିସ ତଦନ୍ତ କରି 7 ଜଣ ଅଭିଯୁକ୍ତଙ୍କୁ ଅଟକ କରିଥିବା ବେଳେ ଏଥିରେ ସମ୍ପୃକ୍ତ ତିନି ଜଣ ଅଭିଯୁକ୍ତ ଫେରାର ଅଛନ୍ତି ।
ଅଟକ ଥିବା ଅଭିଯୁକ୍ତମାନେ ହେଲେ କେନ୍ଦ୍ରାପଡ଼ା ବଗଡ଼ା ଅଞ୍ଚଳର ଶ୍ରୀକାନ୍ତ ବରାଳ, ପ୍ରିୟରଞ୍ଜନ କର, ହେମନ୍ତ ରାଉତ, ନିହାର ଖୁଣ୍ଟିଆ, ସରୋଜ ଦାସ, ଜଗବନ୍ଧୁ ନାୟକ ଏବଂ ନିରଞ୍ଜନ ରାଉତ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
