କେନ୍ଦ୍ରାପଡା: ଆଜି(ମଙ୍ଗଳବାର) 69 ବର୍ଷ ବୟସରେ ପଦାର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତାଙ୍କ ଜନ୍ମଦିନକୁ ସ୍ମରଣୀୟ କରିବା ପାଇଁ ସେବା ସପ୍ତାହ ପାଳନ କରୁଛି ବିଜେପି।
ପ୍ରଧାନମନ୍ତ୍ରୀ ନିଜକୁ ଯେଉଁଭଳି ଜନସାଧାରଣଙ୍କର ସେବକ ଭାବରେ ଅଭିହିତ କରିଛନ୍ତି ତାଙ୍କର ଜନ୍ମଦିନକୁ ସେବା ଦିବସ ଭାବରେ ପାଳନ କରିଛି କେନ୍ଦ୍ରାପଡ଼ା ଜିଲ୍ଲା ବିଜେପି।
ମଙ୍ଗଳବାର ପୂର୍ବାହ୍ନରେ ବରିଷ୍ଠ ବିଜେପି ନେତା ବିଜୟ ମହାପାତ୍ର ପ୍ରଭୁ ବଳଦେବଜୀଉଙ୍କ ଦର୍ଶନ କରି ପ୍ରଧାନମନ୍ତ୍ରୀଙ୍କ ଲମ୍ବା ଆୟୁଷ କାମନା କରିଥିଲେ। ଏହାପରେ କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଞ୍ଚି ଗରିବ ରୋଗୀଙ୍କୁ ଫଳ,ବିସ୍କୁଟ ଓ ଅନ୍ୟାନ୍ୟ ସାମଗ୍ରୀ ବଣ୍ଟନ କରିଥିଲେ।
ଏହାସହ ସେ ମେଡିକାଲର ଅବ୍ୟବସ୍ଥା, ଡାକ୍ତର ଅଭାବର ଦୃଶ୍ୟକୁ ଦେଖି ରାଜ୍ୟରେ ସ୍ବାସ୍ଥ୍ୟ ସେବା ବିପର୍ଯ୍ୟସ୍ତ ହୋଇପଡିଥିବା ଓ ଏନେଇ ରାଜ୍ୟ ସରକାର ସ୍ୱାସ୍ଥ୍ୟ ବ୍ୟବସ୍ଥାକୁ ପ୍ରାଥମିକତା ଦେବାପାଇଁ ପରାମର୍ଶ ଦେଇଥିଲେ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
