କେନ୍ଦ୍ରାପଡ଼ା: ବଢୁଛି ମହିଳା ଭୋଟରଙ୍କ ସଂଖ୍ୟା, ପୁରୁଷଙ୍କ ତୁଳନାରେ କେନ୍ଦ୍ରାପଡାରେ ରହିଛନ୍ତି ଅଧିକ ମହିଳା ଭୋଟର । ଗତକାଲି କେନ୍ଦ୍ରାପଡ଼ା ଜିଲ୍ଲାରେ ପଞ୍ଚାୟତ ନିର୍ବାଚନର ତୃତୀୟ ପର୍ଯ୍ୟାୟ ମତଦାନ ଶେଷ ହୋଇଛି । ପଟ୍ଟାମୁଣ୍ଡାଇ ଓ ରାଜନଗର ବ୍ଲକରେ ଗତକାଲି ମତ ସାବ୍ୟସ୍ତ କରିଥିଲେ ମତଦାତା । କିନ୍ତୁ ମତଦାତାଙ୍କ ମଧ୍ୟରୁ ପୁରୁଷଙ୍କ ତୁଳନାରେ ଅଧିକ ମହିଳା ଭୋଟର ଭୋଟ ଦେଇଛନ୍ତି । ପଟ୍ଟାମୁଣ୍ଡାଇ ବ୍ଲକରେ ୩୧ଟି ପଞ୍ଚାୟତର ୪୨୨ ବୁଥରେ ମୋଟ ୧,୪୨,୬୦୦ ଭୋଟର ରହିଥିବା ବେଳେ ଏଠାରେ ମତଦାତାଙ୍କ ସଂଖ୍ୟା ରହିଛି ୧,୦୧,୦୦୧ । ପୁରୁଷଙ୍କ ତୁଳନାରେ ଏହି ବ୍ଲକରେ ଅଧିକ ମହିଳା ଭୋଟର ମତଦାନ କରିଥିବା ବେଳେ ମୋଟ ମତଦାନ ହାର ରହିଛି ୭୦.୮୩ ପ୍ରତିଶତ।
ସେହିପରି ରାଜନଗର ନିର୍ବାଚନ ମଣ୍ଡଳୀ ଅଧିନରେ ୨୯ଟି ପଞ୍ଚାୟତର ୩୬୩ଟି ବୁଥରେ ମତଦାତାଙ୍କ ମୋଟ ସଂଖ୍ୟା ୧,୩୦,୬୩୩ ଜଣ ରହିଥିବା ବେଳେ ୯୬,୪୨୮ଜଣ ମତଦାତା ନିଜର ମତଦାନ ସାବ୍ୟସ୍ତ କରିଛନ୍ତି । ଏଠାରେ ମଧ୍ୟ ମହିଳା ଭୋଟରଙ୍କ ସଂଖ୍ୟା ପୁରୁଷଙ୍କ ତୁଳନାରେ ସର୍ବାଧିକ ରହିଥିବା ବେଳେ ମୋଟ ମତଦାନ ହାର ୭୩.୮୨ ପ୍ରତିଶତ ରହିଥିବା ଜିଲ୍ଲା ସୂଚନା ଓ ଲୋକସମ୍ପର୍କ ବିଭାଗ ତରଫରୁ ସୂଚନା ମିଳିଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
