କେନ୍ଦ୍ରାପଡା: ଜିଲ୍ଲାର ବହୁ ଚର୍ଚ୍ଚିତ ରାଜନଗର ବିଧାନସଭା ଆସନରେ ବାଜିମାତ କରିଛି ବିଜେଡି । ପଟ୍ଟାମୁଣ୍ଡାଇ ରାଜନଗରୁ ବିଜେଡି ସଭାପତି ତଥା ଯୁବନେତା ଧ୍ରୁବ ସାହୁ ବିଜୟ ଲାଭ କରିଛନ୍ତି । ବହୁ ବାଦ ବିବାଦ ପରେ ମଧ୍ୟ କ୍ଷମତା ଆସିଥିବା ବେଳେ ମୁଖ୍ୟମନ୍ତ୍ରୀଙ୍କ ସହ ଭୋଟରଙ୍କୁ ଧନ୍ୟବାଦ ଜଣାଇଛନ୍ତି ସେ । ଏଥିସହ ବିଜୟ ପରେ ଏହି ଅଞ୍ଚଳର ବିକାଶ ଦିଗରେ କାର୍ଯ୍ୟ କରିବେ ବୋଲି ଲକ୍ଷ୍ୟ ରଖିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ପଟ୍ଟାମୁଣ୍ଡାଇ ରାଜନଗର ଅଞ୍ଚଳର ସବୁବେଳେ ପ୍ରାକୃତିକ ବିପର୍ଯ୍ୟୟ ସାମ୍ନା କରି ଆସୁଛି । ତେଣୁ ସେ ଦିଗରେ କାର୍ଯ୍ୟ କରିବେ । ଏଥିସହ ପଟ୍ଟାମୁଣ୍ଡାଇକୁ ସବ-ଡିଭିଜିନ କରିବାର ଲକ୍ଷ୍ୟ ରଖିଛନ୍ତି । ଏପରିକି ଏ ଅଞ୍ଚଳରେ ପାନୀୟ ସମସ୍ୟାକୁ ନେଇ ସ୍ଥାୟୀ ସମାଧାନ କରିବେ ବୋଲି ସେ କହିଛନ୍ତି ।
କେବଳ ସେତିକି ନୁହେଁ, ଭିତରକନିକା ଭଳି ଅଭୟାରଣ୍ୟର ବିକାଶ କରି ଯୁବପିଢୀଙ୍କ ପାଇଁ ନିଯୁକ୍ତି ସୃଷ୍ଟି କରିବା ଦିଗରେ କାମ କରିବେ ବୋଲି ସେ କହିଛନ୍ତି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
