କେନ୍ଦ୍ରାପଡା: ମାର୍ଶାଘାଇ ପୋଲିସକୁ ସଫଳତା। ୪ ଆନ୍ତଃରାଜ୍ୟ ଲୁଟେରାଙ୍କୁ ଗିରଫ କଲା ପୋଲିସ । ଜଣେ ସମିତିସଭ୍ୟ ପ୍ରାର୍ଥୀଙ୍କ ବାଇକ ଡିକି ଭାଙ୍ଗି ୨ ଲକ୍ଷ ୨୮ ହଜାର ଟଙ୍କା ଲୁଟି ନେଇଥିଲେ ଏହି ୪ ଲୁଟେରା । ଗିରଫ ପରେ ସେମାନଙ୍କ ଠାରୁ ୨ଲକ୍ଷ ଟଙ୍କା ଜବତ କଲା ମାର୍ଶାଘାଇ ପୋଲିସ।
ସୂଚନା ଅନୁଯାୟୀ,ଚଳିତ ମାସ ୮ ତାରିଖରେ ମାର୍ଶାଘାଇ ଥାନା ଗତାନଈ ଗାଁର ଗଜେନ୍ଦ୍ର ସ୍ବାଇଁ ୟୁକୋ ବ୍ୟାଙ୍କ ଶାଖାରୁ ୨ ଲକ୍ଷ ୨୮ ହଜାର ଟଙ୍କା ଉଠାଇ ନିଜ ବାଇକ୍ ଡିକିରେ ରଖିଥିଲେ । ତେବେ ସେ କିଛି ସମୟ ପାଇଁ ବାଇକଟକୁ ରାସ୍ତାରେ ରଖି ଅନ୍ୟ ଏକ ଦୋକାନକୁ ଯାଇଥିବା ବେଳେ ଡିକି ତାଡି ଲୁଟେରା ମାନେ ଟଙ୍କା ନେଇ ଫେରାର ହୋଇଯାଇଥିଲେ ।
ଏନେଇ ଗଜେନ୍ଦ୍ର ଥାନାରେ ଅଭିଯୋଗ କରିବା ପରେ ପୋଲିସ ସିସିଟିଭି ଫୁଟେଜ୍ ଆଧାରରେ ଯାଞ୍ଚ କରି ଲୁଟ କରିଥିବା ଗଞ୍ଜାମ ଜିଲ୍ଲା ଆସିକା ଥାନା ଅଞ୍ଚଳର ୪ ଜଣ ଯୁବକକୁ ଗିରଫ କରିଥିଲା । ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
