କେନ୍ଦ୍ରାପଡା: ନିର୍ବାଚନ ପରେ ପ୍ରଥମ ଥର ପାଇଁ ସହରରେ ବିଜେଡି ପକ୍ଷରୁ ଆୟୋଜନ ହୋଇଛି ସମ୍ବର୍ଦ୍ଧନା ସଭା । ରବିବାର ଆୟୋଜିତ ଏହି ସମ୍ବର୍ଦ୍ଧନା ସଭାରେ ଗତ ସାଧାରଣ ନିର୍ବାଚନରେ କେନ୍ଦ୍ରାପଡା ଓ ଗତ ମାସରେ ହୋଇଥିବା ପାଟକୁରା ବିଧାନସଭା ଉପନିର୍ବାଚନରେ ବିଜେଡିର ବିଜୟୀ ପ୍ରାର୍ଥୀମାନଙ୍କୁ ସମ୍ବର୍ଦ୍ଧିତ କରାଯାଇଛି । ଯେଉଁଥିରେ ସାଧାରଣ ନିର୍ବାଚନରେ ବିପୁଳ ଭୋଟରେ ବିଜୟୀ ହୋଇଥିବା ସାଂସଦ ଅନୁଭବ ମହାନ୍ତି ଓ ପାଟକୁରା ବିଧାୟିକା ସାବିତ୍ରୀ ଅଗ୍ରୱାଲଙ୍କୁ ସମ୍ବର୍ଦ୍ଧିତ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ଏହି ସମ୍ବର୍ଦ୍ଧନା ସଭାରେ ସାଂସଦ ଅନୁଭବ ମହାନ୍ତି ଓ ପାଟକୁରା ବିଧାୟିକା ସାବିତ୍ରୀ ଅଗ୍ରୱାଲା ଅତିଥି ଭାବେ ଯୋଗ ଦେଇଥିଲେ । ଏହାସହ ଜିଲ୍ଲା ବିଜେଡିର ସମସ୍ତ ସଂଗଠନର କର୍ମକର୍ତ୍ତା ମଧ୍ୟ ଯୋଗ ଦେଇଥିଲେ । ସଭାରେ ଯୋଗ ଦେଇ ସାଂସଦ ଅନୁଭବ ମହାନ୍ତି ଆଗାମୀ ଦିନରେ କେନ୍ଦ୍ରାପଡାର ବିକାଶ ପାଇଁ ସବୁ ଉଦ୍ୟମ କରିବେ ବୋଲି କହିଥିଲେ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
