କେନ୍ଦ୍ରାପଡା: ପଟ୍ଟାମୁଣ୍ଡାଇ ଥାନା ଅଞ୍ଚଳରେ ଗଞ୍ଜେଇ ଜବତ । କେନ୍ଦ୍ରାଞ୍ଚଳ ଗୁଇନ୍ଦା ବିଭାଗର ଏକ ସ୍ବତନ୍ତ୍ର ଟିମ ଚଢାଉ କରି ଗଞ୍ଜେଇ ଜବତ କରିଛି ।
କଟକ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ଏକ ପାଞ୍ଚ ଜଣିଆ ସ୍ବତନ୍ତ୍ର ଟିମ ବୋଧଗାଁରେ ଚଢ଼ାଉ କରିଥିଲା । ସଞ୍ଜୟ ରାଉତ ନାମକ ଜଣେ ଯୁବକଙ୍କ ନିକଟରୁ ୫ କେଜି ୧୦୦ ଗ୍ରାମ ଗଞ୍ଜେଇ ଜବତ କରାଯାଇଛି।
ତେବେ ଗିରଫ ଯୁବକଙ୍କ କହିବାନୁଯାୟୀ ପଟ୍ଟାମୁଣ୍ଡାଇର ଏକ ନିର୍ଦ୍ଦିଷ୍ଟ ମଠରୁ ଗଞ୍ଜେଇ ତାଙ୍କ ପାଖକୁ ଆସେ ଓ ସେ ଗତ 6ମାସ ହେଲା ଏହି ବେପାର ଚଳାଇଛନ୍ତି। ପୋଲିସ ଏବଂ ଅବକାରୀ ବିଭାଗର ଚଢ଼ାଉ ଓ କାର୍ଯ୍ୟାନୁଷ୍ଠାନ ସତ୍ତ୍ବେ ବେପାରୀ ସଞ୍ଜୟ କିପରି ସେମାନଙ୍କ ନଜରକୁ ଆସିନଥିଲା ତାହା ପ୍ରଶ୍ନବାଚୀ ସୃଷ୍ଟି କରିଛି।
ଅଭିଯୁକ୍ତକୁ ଗିରଫ କରି ଅବକାରୀ ଗୁଇନ୍ଦା ବିଭାଗ କେନ୍ଦ୍ରାପଡ଼ା SDJM କୋର୍ଟରେ ହାଜର କରାଯାଇଛି । ଅଭିଯୁକ୍ତର ଜାମିନ ଆବେଦନ ଖାରଜ କରାଯିବାରୁ ତାକୁ କେନ୍ଦ୍ରାପଡ଼ା ଉପକାରଗାରକୁ ପଠାଇଦିଆଯାଇଛି।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
