କେନ୍ଦ୍ରାପଡା: ରାଜ୍ୟପାଳଙ୍କୁ ବେଖାତିର କରି ଗାଁସାଥି (ମେଟ) ମାନଙ୍କ ପାଇଁ ନକରାତ୍ମକ ଚିଠି ଲେଖିଥିବା ଅଭିଯୋଗ କରି ଆଇଏଏସ ଅଧିକାରୀ ଡି.କେ.ସିଂହଙ୍କ ବିରୋଧରେ କାର୍ଯ୍ୟାନୁଷ୍ଠାନ ଓ ଅନ୍ୟ ପାଞ୍ଚଦଫା ଦାବି ନେଇ ଗାଁସାଥି ସଂଘର ଆନ୍ଦୋଳନ । ବୁଧବାର ପୂର୍ବାହ୍ନରେ କେନ୍ଦ୍ରାପଡ଼ା ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗ କାର୍ଯ୍ୟାଳୟ ସମ୍ମୁଖରେ ଶହଶହ ଗାଁସାଥି ପଞ୍ଚାୟତିରାଜ ବିଭାଗ ସଚିବ ଡି.କେ.ସିଂହଙ୍କ ଅନ୍ୟ ବିଭାଗକୁ ବଦଳି କରିବା ଦାବିନେଇ ଆନ୍ଦୋଳନ କରିଥିଲେ ।
ଗତ ସାତବର୍ଷ ମଧ୍ୟରେ ଡି.କେ.ସିଂହ ଅନେକ ଥର ଚିଠି ଲେଖି ଗାଁସାଥି ମାନଙ୍କର ଅଧିକାରକୁ କ୍ଷୁର୍ଣ୍ଣ କରୁଥିବା ଅଭିଯୋଗ ହୋଇଛି । ସେହିପରି ସଚିବ ଜଣଙ୍କ ରାଜ୍ୟପାଳ ଓ କୋର୍ଟଙ୍କ ନିର୍ଦ୍ଦେଶକୁ ଅବମାନନା କରିଥିବା ଦର୍ଶାଇ ହୋହଲ୍ଲା କରିଛନ୍ତି ଗାଁସାଥି । ଏଥିସହିତ ୫ଦଫା ଦାବିର କାର୍ଯ୍ୟକାରିତାକୁ ନେଇ ଆନ୍ଦୋଳନକୁ ଓହ୍ଲାଇଛି ସଙ୍ଘ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
