କେନ୍ଦ୍ରାପଡା: ଚାକିରି କରାଇ ଦେବାକୁ କହି ଲକ୍ଷାଧିକ ଟଙ୍କା ଠକି ନେଇଥିବା ଜଣେ ବ୍ୟକ୍ତିଙ୍କୁ ଆଜି କେନ୍ଦ୍ରାପଡ଼ା କୋର୍ଟ ନିକଟରୁ କାବୁ କରିଛନ୍ତି ଚାକିରି ଆଶାୟୀ । ଟଙ୍କା ଦେଇଥିବା କିଛି ବେକାର ଯୁବକ ଏବଂ ସେମାନଙ୍କ ସମ୍ପର୍କୀୟ କୋର୍ଟରେ ମାମଲା ଲଢିବାକୁ ଆସିଥିବା ସମ୍ପୃକ୍ତ ବ୍ୟକ୍ତିଙ୍କୁ କାବୁ କରି ନେଇଥିଲେ।
ତେବେ ଅଭିଯୋଗ ଅନୁଯାୟୀ ଭୁବନେଶ୍ବର ସୂର୍ଯ୍ୟ ନାରାୟଣ ତ୍ରିପାଠୀ ନିଜକୁ ଜଣେ ଓକିଲ ବୋଲି ପରିଚୟ ଦେଇ ନିଜ ଝିଅ ଜରିଆରେ ବିଭିନ୍ନ ଲୋକଙ୍କୁ ଚାକିରି କରେଇ ଦେବାକୁ କହି ଲକ୍ଷାଧିକ ଟଙ୍କା ଠକି ନେଇଥିଲେ ।
ପରେ ସେ ଚାକିରି ଦେବା ନାଁ ରେ ଠକି ଥିବା ଜାଣିପାରି ଠକାମିର ଶିକାର କିଛି ଯୁବକ ଯୁବତୀ ଏନେଇ ସମ୍ପୃକ୍ତ ବ୍ୟକ୍ତିଙ୍କ ଝିଅ ନାମରେ ଏକ ମାମଲା କରିଥିଲେ । ଆଜି କେନ୍ଦ୍ରାପଡା କୋର୍ଟରେ ତାରିଖ ଥିବାରୁ ସମ୍ପୃକ୍ତ ବ୍ୟକ୍ତି ମାମଲା ପରିଚାଳନା କରିବାକୁ ଆସିଥିବା ବେଳେ ଟଙ୍କା ଦେଇଥିବା ଲୋକେ ତାକୁ କାବୁ କରି ନେଇଥିଲେ |
ଘଟଣାସ୍ଥଳରେ ଉତ୍ତେଜନା ପ୍ରକାଶ ପ୍ରକାଶ ପାଇବାରୁ କେନ୍ଦ୍ରାପଡ଼ା ଟାଉନ୍ ଥାନା ପୁଲିସ ଉଭୟ ପକ୍ଷଙ୍କୁ ଥାନାରେ ଅଟକ ରଖି ପଚରାଉଚରା ଚଳାଇଛି |
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି,ଇଟିଭି ଭାରତ
