କେନ୍ଦ୍ରାପଡା: ସିସିଟିଭିରେ କଏଦ ହେଲା ମହିଳାଙ୍କୁ ମାଡ ମାରିବାର ଦୃଶ୍ୟ । ଗତ 1ତାରିଖରେ କେନ୍ଦ୍ରାପଡ଼ା ରାଜକନିକା ଥାନା ଅନ୍ତର୍ଗତ ଅଶୋକ ବଜାରରେ ଚା' ଓ ପାନ ଦୋକାନ କରି ଚଳୁଥିବା ଜଣେ ଅସହାୟ ମହିଳା କନକଲତା ମଲ୍ଲିକଙ୍କୁ ଗଞ୍ଜା ଗାଁର ବାସୁଦେବ ବେହେରା ନାମକ ଜଣେ ବ୍ୟକ୍ତି ବିଭିନ୍ନ ସମୟରେ ଅସଦାଚରଣ କରିବା ସହ ଅଶ୍ଳୀଳ ଭାଷା ପ୍ରୟୋଗ କରୁଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ଉକ୍ତ ମହିଳା ଜଣଙ୍କ ବାସୁଦେବର ଏଭଳି କାର୍ଯ୍ୟକଳାପକୁ ବିରୋଧ କରିବା କାରଣରୁ ବାସୁଦେବ ମହିଳାଙ୍କ ସହ ତାଙ୍କ ଝିଅକୁ ମଧ୍ୟ ମାଡ ମାରିଥିଲେ । ତେବେ ଏହି ସମସ୍ତ ଘଟଣା କଏଦ ହୋଇଥିଲା ସିସିଟିଭିରେ । ଉକ୍ତ ମହିଳା ଏନେଇ ରାଜକନିକା ଥାନାରେ ଅଭିଯୋଗ କରିଥିଲେ ।
୨.୨୨ସେକେଣ୍ଡର ଏହି ଭିଡିଓ ଆଧାରରେ ପୋଲିସ ଅପରାଧୀ ନାଁରେ ବିଭିନ୍ନ ଦଫା ଲଗାଇଥିଲେ ମଧ୍ୟ । ଏପର୍ଯ୍ୟନ୍ତକୁ ଅଭିଯୁକ୍ତ ଧରିବାରେ ଅସଫଳ ହୋଇଛି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
