କେନ୍ଦ୍ରାପଡ଼ା: ମାଛଧରା ଡଙ୍ଗାରୁ ଖସି ଯୁବକ ନିଖୋଜ । ଏଭଳି ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଖରିନାସୀ ଜେଠିରେ । ନିଖୋଜ ଯୁବକ ଜଣକ ପ୍ରଭାକରପୁର ଗାଁର ନିଶିକାନ୍ତ ବେହେରା ବୋଲି ଜଣାପଡିଛି ।
ମାଛଧରା ଡଙ୍ଗାରୁ ଖସି ଯୁବକ ନିଖୋଜ
ସୂଚନା ଅନୁସାରେ, ନିଶିକାନ୍ତ ସମୁଦ୍ରକୁ ମାଛ ମାରିବା ପାଇଁ ଯିବାକୁ ମାଛଧରା ଡ଼ଙ୍ଗାରେ ବରଫ ଲୋଡ କରୁଥିଲେ । ହେଲେ ଅସାବଧାନତା ହେତୁ ବରଫ ଖଣ୍ଡଟି ଖସି ପଡିବା ସହ ନିଶିକାନ୍ତ ନଦୀ ଗର୍ଭକୁ ଖସି ପଡିଥିଲେ । ନଦୀର ପ୍ରଖର ସ୍ରୋତରେ ନିଶିକାନ୍ତ ଭାସିଯାଇଥିଲେ। ଖବରପାଇ ମହାକାଳପଡ଼ା ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଥିଲା । ବହୁ ଖୋଜାଖୋଜି କରିଥିଲେ ମଧ୍ୟ ତାଙ୍କର କୈଣସି ପତ୍ତା ମିଳି ନଥିଲା ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
