ଫୁଲବାଣୀ: କନ୍ଧମାଳ ଜିଲ୍ଲା ପୋଲିସକୁ ମିଳିଛି ଏକ ବଡ଼ ସଫଳତା । ପୋଲିସ ସିପଡି ଗ୍ରାମରେ ଚଢାଉ କରି 7 କ୍ବିଣ୍ଟାଲରୁ ଅଧିକ ଗଞ୍ଜେଇ ଜବତ ହୋଇଥିବା ବେଳେ 2 ଜଣ ମାଫିଆଙ୍କୁ ଗିରଫ କରିଛି । ତେବେ ଘଟଣାରେ ଜଡିତ ଅନ୍ୟ 2 ଜଣ ମାଫିଆ ଫେରାର ହୋଇପଡିଥିବା ଜଣାପଡିଛି ।
କନ୍ଧମାଳରେ 7 କୁଇଣ୍ଟାଲରୁ ଅଧିକ ଗଞ୍ଜେଇ ଜବତ, 2 ଗିରଫ
ଜିଲ୍ଲାରୁ ବୌଦ୍ଧ ଜିଲ୍ଲା ଏବଂ ସେଠାରୁ ବାହାର ରାଜ୍ୟକୁ ଗଞ୍ଜେଇ ଚାଲାଣ କରିବା ପାଇଁ ପ୍ରସ୍ତୁତ ହେଉଥିବା ବେଳେ ଗୋଛାପଡ଼ା ପୋଲିସ ସିପଡ଼ି ଗାଁରେ ଚଢାଉ କରିଥିଲା । ଲଦ କହଁର ଘରେ ପ୍ୟାକେଟ କରିଥିବା ୭ କ୍ବିଣ୍ଟାଲ ପାଞ୍ଚ କିଲୋଗ୍ରାମ ଗଞ୍ଜେଇ ଜବତ କରିଥିବା ବେଳେ ସିକଡିର ରଘୁନାଥ ବିନ୍ଧାଣି ଏବଂ ବୌଦ୍ଧ ଜିଲ୍ଲା ମାଲପଡା ଗାଁର ନରୋତ୍ତମ ରଣାକୁ ଗିରଫ କରିଥିଲା । ଅନ୍ୟ ଦୁଇ ଜଣ ଗଞ୍ଜେଇ ମାଫିଆ ସେଠାରୁ ଫେରାର ହୋଇଯାଇଥିଲେ । ଫେରାରମାନଙ୍କୁ ଗିରଫ ପାଇଁ ଚଢାଉ ଜାରି ରହିଛି ବୋଲି ଥାନା ଅଧିକାରୀ ତୃପ୍ତି ରଞ୍ଜନ ନାୟକ କହିଛନ୍ତି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
