କେନ୍ଦ୍ରାପଡ଼ା: ଲକ୍ଷ୍ମୀପୂଜା ମେଳଣ ପାଇଁ ଜିଲ୍ଲାରେ ବନ୍ଦ ରହିଛି ମଦ ଦୋକାନ । ହେଲେ ଚୋରା ବେପାରୀ ଖୁଲାମଖୁଲା ମଦ ବେପାରରେ ମାତିଛନ୍ତି । ଏଭଳି ଖବର ପାଇବା ପରେ କେନ୍ଦ୍ରାପଡ଼ା ଜିଲ୍ଲାର 3ଟି ସ୍ଥାନରେ ଚଢ଼ାଉ କରିଛି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ । ଏହି ମାମଲାରେ 3 ଜଣ ଗିରଫ ହେବା ସହ ତାଙ୍କୁ କୋର୍ଟ ଚାଲାଣ କରାଯାଇଛି ।
କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ 20 ଲିଟରରୁ ଊର୍ଦ୍ଧ୍ଵ ଚୋରା ମଦ ଜବତ କରିବା ସହ ୩ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ଜିଲ୍ଲାର ହଳଦିଆଗଡ଼ାରୁ ରମାକାନ୍ତ ନାୟକ, ବଡ଼ପାଳଗଡ଼ାରୁ ବିଜୟ ବେହେରା ଓ ଇଚ୍ଛାପୁରରୁ ବାସନ୍ତୀ ସାହୁକୁ ଗିରଫ କରାଯାଇ କେନ୍ଦ୍ରାପଡ଼ା ଏସଡିଜେଏମ କୋର୍ଟରେ ହାଜର କରାଯାଇଛି । ଜିଲ୍ଲାରେ ଅବକାରୀ ବିଭାଗ ଥାଉଥାଉ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ଦ୍ଵାରା ଜିଲ୍ଲାରୁ ବାରମ୍ବାର ନିଶା ସାମଗ୍ରୀ ଜବତ ହେବା ଘଟଣା ଚୋରା ବେପାରୀ ଓ ଜିଲ୍ଲା ଅବକାରୀ ବିଭାଗର ମଧୁଚନ୍ଦ୍ରିକା ଘଟଣାକୁ ପଦାରେ ପକାଇଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
