କେନ୍ଦ୍ରାପଡ଼ା: ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ । କେନ୍ଦ୍ରାପଡ଼ା ଜିଲ୍ଲା ଅବକାରୀ ବିଭାଗ ଦ୍ବାରା ହୋଇଥିବା ଏହି ଚଢାଉରେ 109 ବୋତଲ ବିଦେଶୀ ମଦ ଜବତ କରାଯିବା ସହ 3 ଜଣଙ୍କୁ ଗିରଫ କରାଯାଇଛି।
ଚଢ଼ାଉରେ 109 ବିଦେଶୀ ମଦ ଜବତ
ସୂଚନା ଅନୁଯାୟୀ, ଆଜି(ଶୁକ୍ରବାର) ସକାଳୁ ବିଶ୍ବସ୍ତ ସୂତ୍ରରୁ ଖବର ପାଇ ଅବକାରୀ ସବଇନ୍ସପେକ୍ଟର ସରୋଜ ବାଗଙ୍କ ନେତୃତ୍ବରେ ଏକ ଟିମ ଜିଲ୍ଲାର ଚାନ୍ଦୋଳ, ନରିଲୋ ଏବଂ ଗୁଲନଗର ଗ୍ରାମରେ ଚଢ଼ାଉ କରାଯାଇ ଧିରେନ ମଲ୍ଲିକ, ଗୋକୁଳାନନ୍ଦ ଜେନା ଓ ଜଳଧର ସେଠୀଙ୍କୁ ଗିରଫ କରାଯାଇଛି ।
ସେମାନଙ୍କ ଠାରୁ 19 ଲିଟର 620 ମିଲିଲିଟର ବିଦେଶୀ ମଦ ଜବତ କରାଯାଇଛି। ଏମାନଙ୍କ ବିରୋଧରେ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
