ଫୁଲବାଣୀ: କନ୍ଧମାଳ ଜିଲ୍ଲାରେ ଲକଡାଉନ ଆଇନକୁ କଡାକଡି କରିଛି ଜିଲ୍ଲା ପ୍ରଶାସନ । ସାମାଜିକ ଦୂରତା ରକ୍ଷା ଓ ମାସ୍କ ବ୍ୟବହାରକୁ ଅଧିକ କଡାକଡି ଭାବେ ପାଳନ କରିବାକୁ ଗୁରୁତ୍ବ ଦେଇଛି ପ୍ରଶାସନ ।
ଜିଲ୍ଲାରେ ଲକଡାଉନ କୋହଳ ସମୟରେ ଲୋକେ ଜିନିଷ କିଣାକିଣି କରିବା ବେଳେ ସାମାଜିକ ଦୂରତ୍ବ ରକ୍ଷା କରିବାକୁ ନିର୍ଦ୍ଦେଶ ରହିଛି । ଲୋକଙ୍କ ମଧ୍ୟରେ ଦୁଇ ମିଟର ଦୂରତା ରଖିବା ବ୍ୟବସ୍ଥାକୁ କଡାକଡି ପାଳନ କରାଯାଉଛି । ଫୁଲବାଣୀ ମାଦିକୁନ୍ଦ ଛକରେ ଥିବା ଏକ ଫଳ ଦୋକାନ ଏପରି ନିୟମ ଅମାନ୍ୟ କରିବାରୁ ସିଲ କରାଯାଇଛି । ସେହିପରି ମୁଖ୍ୟ ବଜାରରେ ଏକ ଦୋକାନ ସିଲ କରିଛି ପ୍ରଶାସନ । ଫୁଲବାଣୀ ସହିତ ବାଲିଗୁଡା, ଗଜୁ ଉଦୟଗିରି, ରାଇକିଆ, ଦାରିଙ୍ଗବାଡି ପ୍ରଭୃତି ସହରରେ ମଧ୍ୟ ନିୟମ କଡାକଡି କରାଯାଇଛି ।
କେବଳ ଏତିକି ନୁହେଁ ମାସ୍କ ପିନ୍ଧି ନଥିବା ଲୋକଙ୍କ ବିରୋଧରେ ଜୋରିମାନା ଆଦାୟ କରାଯାଉଛି । 50ରୁ ଅଧିକ ଲୋକଙ୍କ ଠାରୁ 200 ଟଙ୍କା ଜୋରିମାନା ଆଦାୟ କରିଛି ପ୍ରଶାସନ । ଆଗକୁ ଅଧିକ କଡାକଡି କରାଯିବ ବୋଲି ପ୍ରଶାସନ ସତର୍କ କରିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
